Keçid linkləri

Təcili xəbərlər
2020, 21 Oktyabr, çərşənbə, Bakı vaxtı 19:53

Trump-ın yeni müdafiə naziri keçmiş demokrat senator ola bilər?


Jim Webb

The New York Times qəzeti yazır ki, prezident Donald Trump keçmiş demokrat senator Jim Webb-i müdafiə naziri təyin etmək məsələsini nəzərdən keçirir.

Yanvarın 3-də naməlum rəsmiyə istinadən dərc olunmuş xəbərdə deyilir ki, Ağ Ev rəsmiləri belə bir ehtimal edilən təkliflə artıq cənab Webb-ə müraciət ediblər.

Boeing şirkətinin keçmiş rəhbəri Patrick Shanahan hazırda müdafiə nazirinin əvəzi kimi fəaliyyət göstərir.

Keçmiş müdafiə naziri Jim Mattis vəzifəsini ötən ilin sonlarında Trump-ın siyasətlərinə etiraz olaraq tərk edib.

Keçmiş demokrat senator Webb prezident Ronald Reagan-ın hökumətində hərbi donanma naziri vəzifəsində çalışıb.

72 yaşlı Webb Vyetnam müharibəsinin orden-medallı veteranıdır. O indiyədək 10 kitab yazıb və jurnalist və rejissor kimi Emmy mükafatına layiq görülüb.

The Times xəbər verir ki, müdafiə naziri vəzifəsinə habelə respublikaçı senatorlar Tom Cotton və Lindsey Graham, həmçinin keçmiş respublikaçı senator Jim Talent-in namizədliyi nəzərdən keçirilir.

Ağ Ev qəzetdə dərc olunmuş bu xəbərə münasibət bildirməyib və qəzetin yazdığına görə Webb bu məlumatla bağlı şərh verməkdən imtina edib.

XS
SM
MD
LG