-
ABŞ-da Respublikaçılar Partiyasından prezidentliyə namizəd Donald Trump Çikaqodakı mitinqi təxirə salıb. Buna onun tərəfdarları ilə əleyhdarları arasında toqquşmalar səbəb olub.
Yüzlərlə etirazçı mitinqin keçiriləcəyi İllinoys Universitetinə toplaşıb. Toqquşmalar da elə burada baş verib. Polis toqquşmaları yatırmaqda çətinlik çəkib.
Hadisədən sonra «Fox News»a müsahibəsində Trump deyib ki, o, çıxışlarında nifrət yayan məqamlara toxunmayıb.
Martın 11-də Trump-ın Missuridəki mitinqində də etirazlar baş qaldırmışdı.
Həmin vaxt 32 etirazçı saxlanılmışdı.
