ABŞ prezidenti Donald Trump, qanunsuz immiqrantlarla onların övladlarını ayırmaq barədə siyasətinə dəyişiklik edib. O, iyunun 20-də əmr imzalayıb, ailələri bir-birindən ayırmayacağına söz verib.
Dünya liderləri və insan haqları qrupları Trump-ın bu siyasətinə kəskin etiraz etmişdilər.
Amma ABŞ prezidenti əlavə edib ki, administrasiya, ölkənin cənub sərhəddini qanunsuz keçənlərə qarşı dözümsüzlük göstərməkdə davam edəcək, belə şəxslər cəzalandırılacaq.
Amma hələlik məlum deyil ki, mayın 5-dən iyunun 9-a qədər sərhəddə valideynlərindən ayrılmış 2300 uşağın taleyi necə olacaq.
