ABŞ prezidenti Donald Trump deyib ki, Yaxın Şərqdə “iki dövlət əsasında” sülh planını yaxın aylarda elan edəcək.
Bu, Trump administrasiyasının İsrail-Fələstin münaqişəsinin iki dövlət prinsipi əsasında həllinə verdiyi ilk aşkar dəstəkdir.
Trump Nyu-Yorkda İsrailin baş naziri Benjamin Netanyahu ilə görüşündə deyib ki, bu münaqişənin dinc yolla həlli onun “arzusudur”.
Netanyahu-nun bu məsələdəki mövqeyi belədir ki, hər hansı gələcək Fələstin dövləti hərbsizləşdirilmiş olmalı və İsraili yəhudi xalqının dövləti kimi tanımalıdır.
Donald Trump sözü gedən sülh planını iki-üç ay ərzində açıqlayacağını deyib.
Trump adminsitrasiyası bundan əvvəl bəyan etmişdi ki, iki dövlət prinsipini yalnız iki tərəfin buna razı olduğu təqdirdə dəstəkləyəcək:
"Mən iki dövlət həllini bəyənirəm. Məncə bu ən münasib həldir…Mənim hissiyatım belədir”.
Lakin Fələstinin vəzifəli rəsmisi Trump-ın qeydlərini rədd edərək deyib ki, Ağ Evin siyasətləri sülhə olan ümidləri darmadağın edir.
Vaşinqtonda bu yaxınlarda bağlanmış Fəlsətin missiyasının başçısı Husam Zomlot deyib:
"Onların sözləri hərəkətlərinə ziddir və onların hərəkətləri iki dövlət prinsipi əsasında həllin mümkünlüyünü darmadağın edir”.
