Keçid linkləri

Təcili xəbərlər
2019, 19 Fevral, çərşənbə axşamı, Bakı vaxtı 12:19

Trump və demokratlar ‘sərhəd divarı’ barədə razılığa gələ bilmədilər


Nancy Pelosi (solda), vise-prezident Mike Pence, prezident Donald Trump və demokrat senator Chuck Schumer dekabrın 11-də Ağ Evdə keçirilmiş danışıqlar zamanı

ABŞ prezidenti Donald Trump və Konqres liderləri büdcə qarşıdurması və hökumətin qismən qapanmasının ardınca prezidentin sərhəd divarı tikilməsi tələbi barədə razılığa gələ bilməyiblər.

Yanvarın 4-də keçirilən bu görüş bağlı qapılar arxasında sayca ikinci müzakirə idi. Bununla belə tərəflər Konqreslə Ağ Ev rəsmiləri arasında bu həftəsonu yeni danışıqlar dövrəsinin açılması barədə razılığa gəliblər.

Trump ABŞ-Meksika sərhədi boyunca hasarın tikintisi üçün 5 milyard dollar vəsait istəyir, Konqresdəki demokratlar isə sərhəd divarı üçün artıq təsdiqlənmiş 1, 3 milyard dollardan çoxməbləğin ayrılmasına razılıq vermirlər.

Bu qarşıdurma ABŞ hökumətinin qismıən qapanması ilə nəticələnib. Trump son müzakirələri “yaxşı görüş” adlandırıb, lakin bəyan edib ki, o hökumətin müəyyən sektorlarının qapalı qalmasını “aylar və hətta illərlə” davam etdirə bilər.

Buna baxmayaraq demokratların bu məsələdə geri çəkiləcəyinə çox az adam inanır.

Demokratlar Trump-ı sərhəd təhlükəsizliyinə dair danışıqların davam etdiyi müddətdə hökuməti açmağa çağırıblar.

Yenidən Konqres demokratlarının rəhbəri və Nümayəndələr Palatasının spikeri seçilmiş Nancy Pelosi yanvarın 3-də deyib ki, “divar məsələsində” güzəşt olmayacaq.

Trump israr edir ki, sərhəd divarı ölkəyə qanunsuz miqrant və narkotiklərin axınını azaldacaq.

O 2016-cı ilin prezident seçkisi kampaniyası zamanı vəd etmişdi ki, sərhəd hasarının tikintisi üçün pulu Meksika ödəyəcək. Meksika bu tələbi rədd edib.

Günün bütün mövzuları

XS
SM
MD
LG