Keçid linkləri

Təcili xəbərlər
2019, 20 Sentyabr, Cümə, Bakı vaxtı 09:12

Trump ABŞ şirkətlərinə Çini tərk etmək göstərişi verdiyini deyir


ABŞ prezidenti Donald Trump deyib ki, o Çinlə ötən il ərzində dünyanın maliyyə sistemini silkələmiş ticarət mübahisəsi ilə əlaqədar Amerika şirkətlərinə Çini tərk etmək göstərişi verib.

Trump avqustun 23-də Twitter-də yazıb:

"Bizim möhtəşəm Amerika şirkətlərimizə, VƏTƏNƏ qayıtmaq və məhsullarını ABŞ-da buraxmaq da daxil dərhal Çinə alternativ axtarmaq göstərişi verilib”.

Trump hüquqi baxımdan ABŞ şirkətlərindən Çini dərhal tərk etmələrini tələb edə bilməz.

O bu göstərişinin necə icra olunacağını izah etməyib, lakin bildirib ki, avqustun 23-də Çinin ABŞ məhsullarına rüsum qoymasına az sonra cavab verəcək.

Çin ABŞ məhsullarına rüsumların artırılmasına dair qərarı Trump-ın ABŞ-a ixrac olunan Çin məhsullarına rüsumları artırmasından sonra qəbul edib.

Trump habelə avqustun 23-də deyib ki, o FedEx və Amazon da daxil Amerikanın sifarişləri çatdırma xidmətlərinə Çindən opioid ağrıkəsici fentanil preparatının gətirilməsinin dayandırılmasını əmr edib.

Çin Trump-ı iki ölkə arasında ticarət mübahisəsində fentanil çəkişməsindən siyasi silah kimi istifadədə ittiham edib.

Trump bundan əvvəl demişdi ki, ticarət müharibələrində qalib gəlmək asandır.

Şərhlər

Günün bütün mövzuları

XS
SM
MD
LG