Keçid linkləri

2024, 17 İyun, Bazar ertəsi, Bakı vaxtı 02:54

Trump ABŞ-ın adi silahlara dair müqavilədən çıxacağını deyir


ABŞ prezidenti Donald Trump deyib ki, Birləşmiş Ştatları kiçik və adi silahların qlobal ticarətini tənzimləyən müqavilədən çıxaracaq.

Trump bu bəyanatı aprelin 26-da ABŞ-ın ən nüfuzlu silah hüquqları təşkilatı – Milli Atıcılıq Assosiasiyasının konfransında səsləndirib.

Bu təşkilat iddia edir ki, 2014-cü ildən qüvvədə olan bu müqavilə şəxslərin silah sahibi olmaq hüquqlarına təhlükə təşkil edir.

Silah Ticarəti Müqaviləsi tapança və başqa əl silahlarının beynəlxalq ticarətini nizamlayır, lakin eyni zamanda həm də qeyri-nüvə tankların, döyüş təyyarələrinin və hərbi gəmilərin alqı-satqısına nəzarət edir.

Bu müqaviləyə rəsmən 101 ölkə qoşulsa da, bunlardan, ABŞ da daxil 29-u sənədi ratifikasiya etməyib.

Trump-dan əvvəlki prezident Barack Obama bu sənədi 2013-cü ildə imzalasa da, ABŞ Senatı onu ratifikasiya etməmişdi.

Trump Milli Atıcılıq Assosiasiyasının toplanışında elan edib ki, “Amerika bu müqaviləni rədd edir”. O deyib ki, “biz imzamızı geri götürürük”.

Birləşmiş Ştatlar dünyanın ən böyük silah ixracatçısıdır.

Trump 2017-ci ildə hakimiyyətə gələndən bəri ABŞ-ı Paris İqlim Razılaşması da daxil bir sıra beynəxalq sazişlərdən çıxarıb.

Ötən il Trump Birləşmiş Ştatları dünyanın 6 gücü ilə Tehran arasında imzalanmış 2015-ci il nüvə sazişindən kənarlaşdırıb.

Bu saziş İranın öz nüvə fəaliyyətini məhdudlaşdırması müqabilində, Tehranın üzərindəki beynəlxalq sanskiyaları qaldırır.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG