2021-ci il sentyabrin 1-dən 50 nəfərə qədər şəxsin iştirakı ilə təşkil olunan şənlik mərasimlərində də COVID-19 pasportunun təqdim olunması tələb olunacaq.
Nazirlər Kabinetinin mətbuat xidmətindən verilən məlumata görə, yəni 150 nəfərədək şəxsin iştirakı ilə təşkil olunan şənlik mərasimlərində iştirakla bağlı mövcud olan bütün tələblər 50 nəfərə qədər şəxsin iştirak edəcəyi şənlik mərasimlərində də tətbiq olunacaq.
Bu qərar qəbul olunanadək 50 nəfərə qədər şəxsin iştirakı ilə təşkil olunan şənlik mərasimlərində tənəffüs yollarını qoruyan fərdi vasitələrdən istifadə məcburi idi və onlarda iştirak üçün COVID-19 pasportunun təqdim olunması tələb olunmurdu.
Koronavirus pandemiyası ilə bağlı ötən ilin martından Azərbaycanda karantin rejimidir.Bu müddət ərzində rejim zaman-zaman sərtləşdirilib və daha sonra da yumşaldılıb.Bu il iyulun 1-dən Azərbaycanda bir sıra qaydalara əməl etməklə kütləvi toy mərasimlərinə icazə verilmişdi.
Bu il sentyabrın 1-dən irt ticarət mərkəzləri və ali məktəblərə də də COVID-19 pasportu tələb ediləcək.
Xatırlatma
2019-cu ilin sonlarında dünyada yeni koronavirus aşkar edilib. 2020-ci il martın 11-də Dünya Səhiyyə Təşkilatı koronavirusu pandemiya elan edib. Dünyada sürətlə yayılan bu virusdan indiyə qədər 4,4 milyondan çox şəxsin vəfat etdiyi açıqlanıb. Azərbaycanda isə avqustun 28-nə qədər ümumilikdə 409 745 nəfərin koronavirus infeksiyasına yoluxması faktı müəyyən edilib, onlardan 5 469–nun vəfat etdiyi bildirilib.
Son həftələr Azərbaycanda həm koronavirusa yoluxma, hem də bu virusa yoluxmuş şəxslər arasında ölüm hallarının artdığı vurğulanır.
