Keçid linkləri

Təcili xəbərlər
2021, 10 May, Bazar ertəsi, Bakı vaxtı 23:33

Avropa Məhkəməsi Tofiq Yaqublunun azad edilməsi barədə qərar verdi


Tofiq Yaqublu

Avropa İnsan Hüquqları Məhkəməsi noyabrın 5-də Müsavat başqanının müavini Tofiq Yaqublunun dərhal azad edilməsi və ona 24 000 avro təzminat ödənilməsi barədə qərar qəbul edib.

Söhbət Avropa insan haqları konvensiyanın 5-ci maddəsinin (azadlıq hüququnun pozulması) pozulmasından gedir.

Tofiq Yaqublu 2013-cü ildə İsmayıllıda baş verən etirazlara görə həbs olunub.

2014-cü ildə isə Şəki Ağır Cinayətlər Məhkəməsinin hökmü ilə 5 il azadlıqdan məhrum edilib.

O həmin vaxt kütləvi iğtişaşlara çağırma və hakimiyyət nümayəndələrinə müqavimət göstərməkdə ittiham olunur.

Müdafiə tərəfi ittihamları rədd edir və həbsin siyasi sifariş olduğunu deyir.

İnsan haqları təşkilatları da onu siyasi məhbus elan edib.

Ali Məhkəmə Oktyabrın 13-də Tofiq Yaqublunun işinə yenidən baxılması üçün Şəki Apellyasiya Məhkəməsinə göndərib

Qeyd edək ki, Avropa İnsan Haqları Məhkəməsi bundan əvvəl onunla birlikdə həbs olunan və 7 il yarım azadlıqdan məhrum edilən REAL hrəkatının lideri İlqar Məmmədov barəsində də eyni qərar çıxarıb.

Amma qərar indiyədək icra edilməyib.

İlqar Məmmədovun da işi Tofiq Yaqublu ilə birlikdə Şəki Apellyasiya Məhkəməsinə qaytarılıb.

Şərhlər (1)

Bu forum dayandırılıb
XS
SM
MD
LG