Keçid linkləri

2024, 19 Mart, çərşənbə axşamı, Bakı vaxtı 14:07

Tillerson ABŞ hərbçilərinin Suriyada ‘lazım olan qədər’ qalacağına işarə edib


Rex Tillerson
Rex Tillerson

ABŞ dövlət katibi Rex Tillerson deyib ki, Amerika hərbçiləri, özünü İslam Dövləti adlandıran ekstremist qrupun təkrar baş qaldırmasının qarşısının alınması məqsədilə “gözlə görünən” gələcəkdə də Suiryada qalmaqda davam edəcəklər.

Yanvarın 17-də Stanford Universitetində çıxış edən Tillerson bunu da əlavə edib ki, Birləşmiş Ştatlar Suriyada vətəndaş müharbəsinin başa çatması, prezident Bashar Assad-ın hakimiyyətdən getməsi və İranın ölkədəki təsirinin dəf edilməsi üçün uğurlu sülh prosesi üzərində işləyəcək.

O israr edib ki, ABŞ prezidenti Donald Trump-ın administrasiyası, 2011-ci ildə ABŞ qoşunlarını İraqdan çıxarmış prezident Barack Obama-nın “səhvini” təkrar etməyəcək.

İran və Rusiya 2011-ci il etirazlarının əzilməsindən başlanmış və yüz minlərlə insanın ölümünə səbəb olmuş bu münaqişədə Assad hökumətinə həlledici dəstək verib.

Şimali Koreya məsələsindən danışarkən Tillerson Pxenyanın üzərinə təzyiq göstərən Çinin səylərini təqdir edib və deyib ki, Vaşinqton indi “doğrudan da beynəlxalq sanksiyaların Pxenyanı incitdiyini” hiss edir.

O inandığını bildirib ki, təzyiqlər əvvəl-axır Şimali Koreyanı nüvə və raket proqramlarını müzakirə edən danışıqlar masası arxasına gətirəcək.

Bu arada Trump Rusiyanı Şimali Koreyaya qarşı sanksiyalara xələl gətirməkdə və Pxenyanın nüvə proqramını buxovlamaq cəhdlərini zəiflətməkdə ittiham edib.

Trump Reuters agentliyinə deyib ki, “Rusiya Şimali Koreya məsələsində ümumiyyətlə kömək etmir”.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG