Keçid linkləri

2024, 19 Mart, çərşənbə axşamı, Bakı vaxtı 06:56

Rusiya kimyəvi silah ittihamını rədd edir


Yanvarın 22-də Dəməşq yaxınlığındakı Duma şəhərinə edilmiş kimyəvi hücumun qurbanları arasında uşaqlar var
Yanvarın 22-də Dəməşq yaxınlığındakı Duma şəhərinə edilmiş kimyəvi hücumun qurbanları arasında uşaqlar var

Rusiyanın BMT-dəki səfiri Vasily Nebenzya ABŞ dövlət katibi Rex Tillerson-un ittihamına qəzəbli reaksiya verib. Tillerson demişdi ki, Moskva Suriyada kimyəvi silahlardan istifadə üçün məsuliyyət daşıyır.

Yanvarın 23-də BMT-nin Təhlükəsizlik Şurasından çıxış edən Nebenzya bildirib ki, Birləşmiş Ştatlar Suriya hökumətini kimyəvi silahlardan istifadədə “tələsik ittiham edib”.

“İndi Rusiyanı da buna sürükləməyə çalışırlar”, – Nebenzya söyləyib.

***

ABŞ dövlət katibi Rex Tillerson deyir ki, Suriyada kimyəvi silahdan istifadənin ən böyük məsuliyyətini Rusiya daşımalıdır. Bundan əvvəl bu həftə Dəməşq yaxınlığında kimyəvi hücum olduğu barədə xəbərlər yayılmışdı.

Tillerson bu bəyanatı yanvarın 23-də Parisdə verib. Burada ABŞ da daxil 24 ölkə kimyəvi silahlardan istifadə edənlərin tapılıb cəzalandırılması ilə məşğul olacaq yeni təşkilat yaradıb.

Tillerson deyib ki, Rusiya kimyəvi silahların Suriyadan çıxarılmasına dair ABŞ-la 2013-cü ildə bağladığı sazişin şərtlərini pozur.

O habelə bildirib ki, Moskva Suriya hökumətinə Kimyəvi Silahların Qadağanı Konvensiyasını pozmaqda kömək edir.

Dövlət katibi deyib ki, Rusiya BMT Təhlükəsizlik Şurasının kimyəvi silahlardan istifadə edənləri haqq-hesaba çəkən qətnamələrinə veto qoymağı dayandırmalıdır.

Tillerson bildirib ki, Rusiyanın bu məsələdə müttəfiqi Suriyanı himayə etməsinə heç bir şübhə yoxdur. Onun sözlərinə görə, Moskva belə etməklə Birləşmiş Ştatlar qarşısında Suriyanın qarantı kimi götürdüyü öhdəliyi pozur.

Yenicə yaradılmış təşkilat – Kimyəvi Silahlardan İstifadəyə görə Cəzasızlığa qarşı Beynəlxalq Tərəfdaşlıq (International Partnership against Impunity for the Use of Chemical Weapons) kimyəvi silahlardan istifadə edənlərin adlarını faş etmək və son nəticəsdə onları cəzalandırmaqla məşğul olacaq. BMT-nin kimyəvi silahlardan istifadənin qarşısını almaq cəhdləri Rusiyanın vetolarına görə iflasa uğrayıb.

Fransanın Xarici İşlər Nazirliyinin bəyanatında deyilir ki, yeni təşkilat “heç bir vəchlə mövcud beynəlxalq mexanizmləri əvəz etmir və özünün təhqiqatlarını aparmaq niyyətində deyil”.

Rusiya bu təşəbbüsü kəskin tənqid edib.

Yanvarın 23-də Rusiya xarici işlər nazirinin müavini Sergey Ryabkov deyib ki, yeni təşkilat Kimyəvi Silahların qadağanı Təşkilatının səlahiyyətlərini birbaşa mənimsəmək məqsədi güdür.

Fəallar və xilasedicilər bildirirlər ki, yanvarın 22-də Dəməşqin qiyamçıların nəzarətində olan ətraf rayonunda 20 mülki şəxsə xəsarət yetirmiş kimyəvi hücumun arxasında Assad hökuməti dayanır. Bundan əvvəl Moskva kimyəvi hücumların ekstremistlər tərəfindən törədildiyində israr edirdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG