Prezident İlham Əliyev martın 11-də teatr və konsert müəssisələri işçilərinin sosial müdafiəsinin gücləndirilməsi haqqında sərəncam imzalayıb.
Sərəncamda deyilir ki, dövlət büdcəsindən maliyyə yardımı alan teatr və konsert müəssisələrində çalışan işçilərin aylıq vəzifə maaşları martın 1-dən orta hesabla 50 faiz artırılsın.
Prezident İlham Əliyev və birinci vitse-prezident Mehriban Əliyeva martın 1-də mədəniyyət və incəsənət xaidmləri ilə görüşmüşdülər.
Bu zaman onlar bəzi problemlərini ölkə başçısının diqqətinə çatdırmışdılar. Həmçinin teatrda çalışanların maaşlarının azlığı məsələsinə toxunulmuşdu.