Keçid linkləri

Təcili xəbərlər
2019, 12 Noyabr, çərşənbə axşamı, Bakı vaxtı 01:01

İmpiçment araşdırması ilə bağlı daha bir qapalı dinləmə olub


William Taylor

ABŞ-ın Ukraynadakı ən yüksək ranqlı diplomatı deyib ki, prezident Donald Trump ukraynalı həmkarı Volodymyr Zelenskiy ilə Ağ Evdə görüşməyə razılıq verməzdən əvvəl onun siyasi rəqibi, keçmiş vise-prezident Joe Bidenə bağlı Ukrayna qaz şirkətinin təhqiq olunmasını istəyib.

ABŞ-ın Ukraynadakı müvəqqəti işlər müvəkkili William Taylor bu bəyanatı oktyabrın 22-də ABŞ Konqresi komitələrinin bağlı qapılar arxasında keçirdiyi dinləmədə verib.

Konqres demokratları hazırda prezident Trump-ın impiçmentinə dair təhqiqat aparırlar.

İmpiçment araşdırmasının əsas məsələsi Donald Trump-ın Ukrayna ilə bağlı fəaliyyətidir.

Trump iyulun 25-də Ukrayna prezidenti Zelenskiy ilə telefon danışığı zamanı ondan Joe Bidenin Ukrayna ilə bağlı fəaliyyətinin araşdırılmasını istəmişdi.

O habelə Zelenskiy-dən Bidenin oğlunun çalışdığı Burisma şirkətinin təhqiqatının keçirilməsini rica etmişdi.

Demokrat Joe Biden 2020-ci il prezident seçkisində Trump-ın əsas rəqibi ola bilər.

Həmin vaxtlarda Trump habelə Ukraynaya çatacaq 400 milyon dollarlıq ABŞ hərbi yardımını dayandırmışdı.

Taylor bununla bağlı dinləmədə bildirib:

“İyulun ortalarınadək mənə aydın oldu ki, Zelenskiy-nin istədiyi Ağ Ev görüşü Burismanın və Ukraynanın 2016-cı il ABŞ seçkisinə iddia olunan müdaxiləsinin araşdırılmasından asılı olacaq”.

Taylor bunu da deyib ki, bu tələbin “təşəbbüskarı” Trump-ın şəxsi vəkili Rudy Giuliani idi.

O belə bir əsassız fərziyyə irəli sürmüşdü ki, Ukrayna ABŞ-ın son prezident seçkisinə müdaxilə edib.

Şərhlər

Günün bütün mövzuları

XS
SM
MD
LG