Tacikistan prezidenti Emoməli Rahmon avqustun 9-da axşam saatlarında Azərbaycana gəlib.
AZƏRTAC-ın xəbərinə görə, onu hava limanında Azərbaycan baş nazirinin birinci müavini Yaqub Eyyubov, xarici işlər nazirinin müavini Nadir Hüseynov və başqa rəsmi şəxslər qarşılayıblar.
Emomali Rahmonu Azərbaycan prezidenti İlham Əliyevin qəbul edəcəyi, daha sonra nümayəndələrin iştirakı ilə danışıqlar keçiriləcəyi gözlənir.
Tacikistan prezidentini Azərbaycanın baş naziri və parlamentin spikerinin də qəbul edəcəyi bildirilir.
Səfərin 2 gün davam edəcəyi gözlənilir.