Keçid linkləri

2024, 19 Mart, çərşənbə axşamı, Bakı vaxtı 09:28

Tacikistanda İran səfirlyinin qarşısında etiraz aksiyası keçirilib (VIDEO)


Düşənbədə İran səfirliyinin qarşısında etiraz aksiyası
Düşənbədə İran səfirliyinin qarşısında etiraz aksiyası

Tacikistan paytaxtı Düşənbədə 50-dək etirazçı İran səfirliyinin qarşısında aksiya keçirib. Onlar İranın Tacikistanın İslami İntibah Partiyasına (TİİP) iddia olunan dəstəyinə etiraz edirdilər.

Əsasən gənclərdən ibarət etirazçıların əllərindəki plakatlarda “biz 1992-2000-ci illərin təkrar olunmasını istəmirik”. Tacikistanda vətəndaş müharibəsi məhz bu illərdə baş verib.

Başqa bir plakat isə TİİP-in lideri, hazırda xaricdə mühacirətdə olan Muhiddin Kabiriyə ünvanlanmışdı: “Kəbiriyə ölüm!”

Tacikisitan TİİP-i 2015-ci ildən “terrorçu təşkilat” kimi qadağan edib. Bunun ardınca partiyanın liderliyindən bir sıra adamlar həbs olunub. 2015-ci ilədək TİİP bütün Mərkəzi Asiyada yeganə leqal islami partiya idi.

Lakin etiraz aksiyalarının çox nadir olduğu bir ölkədə 21 may aksiyasına hökumət tərəfindən xeyir-dua verildiyi düşünülür. Çünki bundan bir həftə əvvəl ölkənin avtoritar lideri Emomali Rahmon TİİP-i bir daha tənqid etmiş və onu “terrorçu təşkilat” adlandırmışdı.

İran və Tacikistan arasında son illər münasibətlər xeyli pisləşib. Tacikistan İranı mühacirətdə olan TİİP liderlərini dəstəkləməkdə ittiham edir.

Tacikistan xüsusilə də Tehranın 2015-ci ildə Kabirini beynəlxalq İslam konfransına rəsmən dəvət etməsindən qəzəblidir.

Ötən il rəsmi Düşənbə Tehranı 1990-cı illərdə Tacikistanda baş vermiş hay-küylü qətllərin arxasında dayanmaqda ittiham edib.

TİİP ilk dəfə 1993-cü ildə rəsmən qadağan edilsə də, 1998-ci ildə vətəndaş müharibəsi başa çatdıqdan sonra fəaliyyətinə icazə verilmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG