Keçid linkləri

2024, 24 May, Cümə, Bakı vaxtı 09:23

Gedişhaqqını kim bahalaşdırıb ?


Foto arxiv
Foto arxiv

“Qiyməti 5 manatdan 6, 7, hətta 8 manata qaldıran sürücülər var. Özbaşınalıqdır. Birinə yaxınlaşdım, 6 manat dedi, mən də etiraz edib başqa avtobusa yaxınlaşdım. O avtobusun sürücüsü də “7 manatdan aşağı aparmıram” dedi. Gedişhaqqını özbaşına qaldırıblar. Sürücülər deyir, dollar bahalaşıb, köhnə qiymətlə gedib gəlmək sərf eləmir”.

Bunu AzadlıqRadiosuna sərnişinlər deyib.

“7 MANATDAN AŞAĞI APARMARAM”

Saatlı-Bakı marşrutu üzrə hərəkət edən avtobusların sərnişinlərindən AzadlıqRadiosunun “Qaynar xətt”inə şikayət var.

Naharlı kənd sakini, Nəzrəli kəndindəki orta məktəbdə müəllimə işləyən Sara Həsənovanın sözlərinə görə, Bakıda yaxın qohumları olduğu üçün, demək olar, hər həftəsonu rayondan paytaxta gəlir. Bu dəfə yolu avtovağzaldan düşəndə özü demişkən, “bayram sürprizi” ilə qarşılaşıb:

“Bax, indicə avtovağzaldayam. Qiyməti 5 manatdan 6, 7, hətta 8 manata qaldıran sürücülər var. Özbaşınalıqdır. Birinə yaxınlaşdım, 6 manat dedi, mən də etiraz edib başqa avtobusa yaxınlaşdım. O avtobusun sürücüsü də “7 manatdan aşağı aparmıram” dedi. Bəhanə edirlər ki, dollar bahalaşıb, 5 manata gedib-gəlmək sərf eləmir. Deyirəm, axı, bu qiyməti Tarif Şurası müəyyən etməlidir. Deyirlər, Tarif Şurası gəlib bizimçün plan vermir”.

“TƏZƏ QİYMƏTƏ ALIŞDIRIRLAR”

Qazaxdan Bakıya gələn Sərvər İskəndərov da “Qaynar xətt”ə yolhaqqının bahalaşmasından danışıb:

Foto arxiv
Foto arxiv

“Qiymətləri süni şəkildə qaldırırlar. Camaatın gözünü təzə qiymətlərə alışdırırlar. Heç yerdə təzə qiymətlər barədə xəbərə rast gəlməmişəm. Özbaşınalıq edirlər. Özü də bunu bayram günlərində, adamların daha çox şəhərə gedib-gəldiyi vaxtda edirlər. Tarif Şurası, hüquq-mühafizə orqanları hara baxır?”

Bakı Beynəlxalq Avtovağzalından isə “Qaynar xətt”ə gedişhaqlarının artırılması ilə bağlı deyilənləri təkzib ediblər. Bildiriblər ki, bayram günləri ilə əlaqədar sıxlıq var, hər bölgə üzrə xəttə əlavə avtobuslar buraxılıb. Lakin avtobuslar köhnə tarif üzrə işləyir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG