İqtisadçı Zöhrab İsmayıl bildirir ki, SOCAR ötən ilin sentyabrında "Italiana Petroli" şirkətini alsa da, bu sövdələşmənin ölkə büdcəsinə xeyri qaranlıq qalır. Ekspertin fikrincə, Türkiyədəki "Petkim" və "Star" layihələrində olduğu kimi, bu addım da iqtisadi səmərədən çox siyasi xarakter daşıyır. "SOCAR dövlət büdcəsinə nə qədər artıq vəsait ödəyəcək?" sualı isə hələ də cavabsızdır.