Yunanıstanın Ali Məhkəməsi Gürcüstan vətəndaşının ekstradisiyası ilə bağlı dinləməni təxirə salıb.
Beynəlxalq kriminal qrupun rəhbəri olmaqda ittiham edilən Gürcüstan vətəndaşı nasaz olduğunu bildirəndən sonra məhkəmə dinləməsi təxirə salınıb. O məhkəməyə əlil arabasında gəlmişdi.
Ali Məhkəmə iyulun 17-də 57 yaşlı Lasha Shushanashvili-nin məhkəməsinin iyulun 20-də keçiriləcəyini bildirib.
Ev oğurluğu və quldurluqla məşğul olan şəbəkəyə başçılıq etməkdə ittiham olunan Shushanashvili Salonikidə 13 başqa şübhəli ilə birlikdə həbs olunub. Bu şübhəlilərin həbsi əməliyyatı Fransa hüquq-mühafizə orqanları ilə birlikdə keçirilmişdi.
Cinayətkar dəstənin üzvü olmaqda şübhəli bilinən daha 17 nəfər Fransada həbs olunub. Shushanashvili-nin ekstradisiyasını məhz Fransa tələb edir.
Shushanashvili ilk dəfə Yunanıstanda 2012-ci ildə həbs olunaraq 14 il müddətinə azadlıqdan məhrum edilib.
O ev oğurluğu və quldurluqla məşğul dəstəyə başçılıq etməkdə ittiham olunurdu.
Müttəhim səhhətinə görə üç ildən sonra azad edilmişdi.
Lakin Yunanıstanın hakimiyyət orqanları Shushanishvili-nin Fransaya təslim edilməsi barədə qərarı iyulun 4-də qəbul edib.
