Sentyabrın 9-daBakı və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənir.
Lakin səhər yarımadanın bəzi yerlərində qısamüddətli yağış yağacağı və arabir güclənən şimal-qərb küləyinin əsəcəyi ehtimal edilir.
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, Abşeronda gecə 19-22, gündüz 26-30, Bakıda gecə 20-22, gündüz 27-29 dərəcə isti proqnozlaşdırılır.
Sentyabrın 9-da havanın əksər rayonlarda da əsasən yağmursuz olacağı, lakin bəzi şimal və qərb rayonlarında arabir yağış yağacağı təxmin edilir. Gecə 17-22, gündüz 29-34, dağlarda gecə 10-15, gündüz 17-22 dərəcə isti gözlənir.