Keçid linkləri

Təcili xəbərlər
2018, 18 İyul, çərşənbə, Bakı vaxtı 12:42

Şamaxılı çobanlar qışlaq yerlərini 'üç-beş manata' vermək istəmir


Şamaxılı çoban və sahibkarlar. 16fev2017

“Prezidentin fərmanlarını, göstərişlərini sayan yoxdur. Üç-beş manat papirospulu verməklə başımızı aldadıb torpaqları əlimizdən almaq, bizi ac-susuz qoymaq istəyirlər”.

Fevralın 16-da Şamaxıdakı Sirə qışlağına toplaşanlardan biri - Toğrul Salahov AzadlıqRadiosu-na belə deyib.

Buna da bax:​ Şamaxılı fermerləri 'gedin, sonra gələrsiniz' deyə yola salıblar

Sahibkarlarla çobanları qışlaqda bir araya gətirən səbəb icra hakimiyyətinin onlara 3 aydır göndərdiyi bildirişlərdir. İndi toplaşıb qışlaq sahəsinin əllərindən alınmaması üçün çıxış yolu axtarırlar.

“Məsələ həllini tapmayınca, günaşırı toplaşacağıq”

Həmin bildirişdə göstərilib ki, Şamaxının inzibati ərazisinin Padar massivində iri taxılçılıq təsərrüfatı yaradılacağından, bu torpaqların təyinatı dəyişdirilərək, dövlət ehtiyat fondu kateqoriyasına keçirilib. Bu səbəbdən, həmin torpaqlara görə sahibkarlarla bağlanmış müqavilələrə birtərəfli xitam verilib.

Buna da bax: Şamaxı və Hacıqabulun sahibkarları təşvişdə

Sözügedən torpaqları müqavilə əsasında icarəyə götürüb örüş kimi yararlanan sahibkar və çobanlar yerli icra hakimiyyətinin bu qərarına etiraz olaraq yanvarın 14-də aksiya keçirmək istəyiblər. İcra hakimiyyətinə müraciət olunsa da, qurum sahibkarlara və çobanlara məktub göndərərək, aksiyaya icazə verməyib. Lakin sahibkarlar deyir, bıçaq sümüyə dirənib. Onlar məsələ həllini tapmayınca, günaşırı toplaşacaqlarını deyiblər.

Sahibkar və çobanlar bələdiyyədən və yerli icra hakimiyyətindən toplaşdıqları əraziyə səlahiyyətli şəxsləri dəvət etsələr də, gələn olmayıb.

Buna da bax:​ Əhali inəklərini, camışlarını satır

“Əlavə məlumat verə bilmərik”

Şamaxı Rayon İcra Hakimiyyətindən AzadlıqRadiosu-na bildirilib ki, torpaqların təyinatının dəyişdirilməsi ilə bağlı sahibkarlara göndərilən bildirişlərdə səbəb aydın yazıldığından, əlavə məlumat verə bilməzlər.

Şamaxı və Hacıqabul rayonu ərazisində 50 min hektar qış otlaq sahələrində hər iki rayonun 300-dən çox sahibkarına, 500-dən çox ailəsinə məxsus 200 min baş xırdabuynuzlu, 10 min baş iribuynuzlu heyvan otarılır. Sahibkarla torpaqların, əslində, hansısa işadamına satıldığını deyirlər.

Sənin fikrin

Şərhləri göstər

Siz də şikayətinizi buradan göndərə bilərsiz

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG