Keçid linkləri

Təcili xəbərlər
2018, 16 Oktyabr, çərşənbə axşamı, Bakı vaxtı 10:35

Müsavatçı polisə çağırıldığını deyir


Müsavat Partiyası

Müsavat Partiyasının üzvü Sevda Laçınlı fevralın 24-də Abşeron Rayon Polis İdarısinə çağırıldığını bildirir.

S. Laçınlının Azadlıq Radiosuna deməsinə görə, sahə müvəkkili evinə gələrək onun idarəyə getməsini istəyib.

Sevda Laçınlı vurğulayır ki, onu idardə rəis müavini qəbul edib və 2 saatdan çox dindirib:

“Təsəvvür edin ki, danışıq zamanı bir neçə dəfə telefonuna zəng gəldi, məni otaqdan çıxartdı, sonra yenidən qaytarıb təzyiqdolu suallarını verdi”.

Sevda Laçınlının iddasına görə, rəis müavini ona daha çox “Facebook” sosial şəbəkəsəindəki statuslarına görə, suallar verib və daha yazmamağı tələb edib:

“Mənə dedi ki, bəsdir hökimətin əleyhinə yazdığın. Cavab verdim ki, özüm daxil ailımizdə heç kim işləmir. Nədən razı qalmalıyam ki? Ardınca davam etdim ki, niyə yazmamalıyam, İlham Əliyev demirmi ki, ölkədə azad söz, azad ifadə təmin olunub? Beləcə 2 saat yarım rəis müavini dedi, mən cavab verdim...”.

Müsavatçının bu dediklərinə, hələlik, nə Abşeron Rayon Polis İdarısindən, nə də Daxili İşlər Nazirliyindən münasibət almaq mümkün olub.

Xatırlatma

Son vaxtlar bir çox müxalifətçilər sosial şəbəkələrdə yazılarına görə, polisə çağırıldıqlarını deyiblər. Amma hüquq mühafizə orqanları bu deyilənlərə münasibət bildirmirlər.Prezident İlham Əliyev isə çıxışlarında bildirir ki, Azərbaycanda internet azaddır, fundamental azadlıqlar qorunur.

Buna da bax: Gənc fəal cərimələndiyini deyir

Günün bütün mövzuları

XS
SM
MD
LG