Keçid linkləri

2024, 19 Mart, çərşənbə axşamı, Bakı vaxtı 12:51

ABŞ senatorlarından Türkiyəyə yeni sanksiyalar xəbərdarlığı


Senatın Xarici Münasibətlər Komitəsinin sədri Robert Menendez
Senatın Xarici Münasibətlər Komitəsinin sədri Robert Menendez

Senatın Xarici Münasibətlər Komitəsinin sədri Robert Menendezin ofisi bilirib ki, Türkiyənin Rusiyadan yenə də silahlar alması yenə də sanskiyalar deməkdir

ABŞ senatorları NATO üzvü Türkiyəyə xəbərdarlıq ediblər ki, Ankara Moskvadan əlavə olaraq müdafiə sistemləri almaq planından geri çəkilməzsə onun üzərinə yeni sanksiyalar qoyula bilər.

The Bloomberg yazır ki, ABŞ millət vəkillərinin bu xəbərdarlığı prezident Recep Tayyip Erdoğanın rusiyalı həmkarı Vladimir Putinlə sentyabrın 29-da keçirəcəyi “kritik görüşün” ərəfəsində səslənib.

Bu da xəbər verilir ki, Türkiyənin Rusiyadan S-400 havadan müdafiə sisteminin ikinci dəstini potensial olaraq almasından əvvəl Moskva ilə Ankara arasında texnologiyaların transferi və müdafiə sisteminin yerli istehsalına dair danışıqlar gedirdi.

Rusiyanın dövlət silah ticarəti agentliyi Rosoboroneksportun başçısı Aleksandr Mixeyev avqustun axırlarında demişdi ki, Türkiyə ilə danışıqların yekun mərhələsi başlanıb.

Erdoğan ötən həftə CBS telekanalına müsahibəsində demişdi ki, Rusiyadan S-400 sisteminin ikinci dəstinin alınması planı həyata keçiriləcək.

Senatın Xarici Münasibətlər Komitəsinin sədri Robert Menendezin ofisi bilirib ki, “Rusiyanın hərbi və kəşfiyyat sektorları ilə əhəmiyyətli işbirliyinə girən vahidlərə” qarşı sanksiyalar qanunun tələbidir:

“Türkiyənin hər hansı yeni silah alması yeni sanksiyalar deməkdir”.


ABŞ Ankaranın Rusiyadan S-400 müdafiə sistemini aldığına görə Türkiyənin müdafiə sənayesi üzərinə artıq sanskiyalar elan etmişdi.

Vaşinqton bildirirdi ki, S-400 sistemindən ABŞ-ın yeni təkmil F-35 qırıcıları barədə kəşfiyyat məlumatının toplanması üçün istifadə oluna bilər.

Türkiyə Rusiyadan S-400-ün ilk dəstini aldıqdan sonra F-35-ləri istehsal edən beynəlxalq proqramdan çıxarılmışdı.

Buna baxmayaraq Ankara Rusiya ilə S-400 sövdələşməsindən geri çəkilməyəcəyini bildirmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG