Keçid linkləri

2024, 25 İyul, Cümə axşamı, Bakı vaxtı 16:09

'Sədərək' sahibinin evindən 800 minlik oğurluq iddiası: tərəflər bir-birini ittiham edir


"Sədərək" Ticarət Mərkəzi
"Sədərək" Ticarət Mərkəzi

"Sədərək" Ticarət Mərkəzinin sahibi Yusif Qədimbəylinin evində xidmətçi işləyən qadın o evdən 800 min manatdan çox pul və qızıl-zinət əşyaları oğurlamaqda suçlanır. Lakin qadın qarşı tərəfin yalan danışdığını, dəymiş ziyanın dəfələrlə şişirdildiyini deyir.

42-yaşlı Ruzan Cabbarovanın işinə Bakı Ağır Cinayətlər Məhkəməsində baxılır. Cinayət işi üzrə zərərçəkmiş qismində "Sədərək"in sahibinin həyat yoldaşı Fəridə Qədimova və oğlu Orxan Qədimbəyli tanınıb. Dekabrın 6-da bu iş üzrə məhkəmə prosesi başlayıb. Məhkəməyə zərərçəkmişlərin heç biri gəlməyib, onları vəkilləri təmsil edib.

AzadlıqRadiosunun əldə etdiyi məlumata görə, təqsirləndirilən Cabbarova istintaqa ifadəsində özünü qismən təqsirli bilib. Deyib ki, ehtiyac üzündən oğurluq edib. Oğurladığını da geri qaytarıb. Oğurladığı məbləğ isə Qədimbəylilərin iddia etdiyindən dəfələrlə az olub. Onun sözlərinə görə, oğurladıqlarının da hamısını geri qaytarıb.

Tam orta təhsili yoxdur, oxuyub-yaza bilmir

Dekabrın 5-də məhkəmədə vəkili Cəfərovanın himayəsində azyaşlı övladının olmasını əsas gətirərək onun hökm çıxarılana qədər ev dustaqlığına buraxılması, məhkəmə iclaslarında şüşə qəfəsdə yox, müdafiəçisinin yanında əyləşməsinə icazə verilməsi haqda vəsatətlər qaldırıb. Lakin hakimlər vəsatətlərin heç birini təmin etməyib.

Vəkil Günay İsmayılova vəsatətləri əsaslandırarkən bildirib ki, Cəfərovanın heç tam orta təhsili yoxdur, latın qrafikası ilə oxuyub-yaza bilmir, istintaq dövründə də müdafiə hüququ pozulub. Bu üzdən vəkil işin təkrar istintaqa qaytarılmasını istəyib. Lakin bu məsələdə də məhkəmə "yox" cavabı verib.

Qədimbəyli ailəsinin məhkəmədəki nümayəndəsi, vəkil Əbülfəz Zeynalov da işin istintaqa qaytarılmasının əleyhinə olub. Ailənin vəkili bildirib ki, bu işin məhkəmədə araşdırılmasını istəyirlər.

Bu cinayət işi üzrə məhkəmə araşdırmaları dekabrın 20-də davam edəcək.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG