Keçid linkləri

Təcili xəbərlər
2019, 23 Avqust, Cümə, Bakı vaxtı 23:31

Sechin ABŞ-ı öz neftini satmaq üçün başqalarına sanksiya qoymaqda ittiham edir


Igor Sechin

Rusiyanın ən böyük dövlət neft şirkətinin rəhbəri iddia edib ki, Birləşmiş Ştatlar sanksiyalardan başqa enerji istehsal edən ölkələrin Texas neftinin xeyrinə bazarlardan çıxarılması üçün istifadə edir.

Rosneftin rəhbəri Igor Sechin bu barədə bəyanatı iyunun 6-da Sankt Peterburqda keçirilən Beynəlxalq İqtisadiyyat Forumunda verib. Sankt Peterburqda hər il keçirilən bu forumda xarici investorlar iştirak edirlər. Sechin bu tədbirdəki çıxışında deyib:

‘’Texasda neft hasilatının artmaqda davam etməsi yeni sanksiya qurbanları tələb edə bilər və bu qurbanlar hər hansı neft hasil edən ölkə ola bilər”.

Rusiya prezidenti Vladimir Putinin yaxın çevrəsinə daxil olan Sechin bu bəyanatı ilə ABŞ-ın 2015-ci ildə ABŞ-dan neft ixtacatına qadağanın qaldırılmasına işarə edib. ABŞ-da yerli neft hasilatında texnologiyaların inkişafı Texas neftinin maya dəyərini xeyli aşağı salıb.

Sechin deyib ki, əgər ABŞ-dan neft ixracına qadağan qaldırılmasaydı, sanksiyalar olmayacaqdı.

Bu ilin əvvəllərindən ABŞ-ın neft hasilatı günə 12 milyon barreli keçib. Bu, Rusiyanın neft hasilatından çoxdur.

Təkcə Texas neftinin hasilatı bu il gündə 5 milyon barrelə çatıb.

Bu, İranın, Venesuelanın və Livanın birlikdə gundə hasil etdikləri neft qədərdir.

Vaşinqton OPEC-in ən böyük neft hasilatçılarından olan İran və Venesuelaya sanksiyalar elan edib.

ABŞ Dövlət Departamenti Sechin-in bəyanatı ilə bağlı heç bir reaksiya verməyib.

Günün bütün mövzuları

XS
SM
MD
LG