Keçid linkləri

Təcili xəbərlər
2021, 23 Sentyabr, Cümə axşamı, Bakı vaxtı 11:05

İllik 30 milyon manatdan çox gəliri olan 601 sahibkar


100 min dollarınız olsaydı, nə biznes açardınız?- Bakıda sorğu
Gözlə

No media source currently available

0:00 0:01:12 0:00

100 min dollarınız olsaydı, nə biznes açardınız?- Bakıda sorğu

Sahibkarlıq subyektlərinin 93 faizi mikro sahibkarlardan ibarətdir

Azərbaycan qanunlarına görə, biznesin ölçüsündən asılı olaraq, sahibkarlar dörd qrupa bölünür – mikro, kiçik, orta və iri sahibkarlar. Mikro sahibkarlara işçilərinin orta siyahı sayı 10 nəfərədək, illik gəliri 200 min manatadək olan sahibkarlar aid edilir. Kiçik sahibkar dedikdə işçilərinin sayı 11 nəfərdən 50 nəfərədək, illik gəliri 200 min manatdan 3 milyon manatadək olanlar nəzərdə tutulur. Orta sahibkar kateqoriyasına aid edilməkdən ötrü sahibkarlıq subyektinin işçi sayı 51-250 nəfər, illik gəliri isə 3-30 milyon manat arasında olmalıdır. İri sahibkarlıq subyekti hesab edilmək üçünsə işçi sayı 251 nəfərdən, illik gəlir isə 30 milyon manatdan çox olmalıdır.

Dövlət Statistika Komitəsinin 2021-ci ilin ilk yarısını əhatələyən göstəricilərinə əsasən, ölkədə 143 min 928 sahibkarlıq subyekti fəaliyyət göstərir. Hazırda mikro sahibkarlıq subyektlərinin sayı 133 min 844-ə bərabərdir. Yəni, ölkədəki hər 100 sahibkarlıq subyektindən 93-ü mikro sahibkardır. Bu ilin altı ayının nəticələrinə görə, ölkədə kiçik sahibkarlıq subyektlərinin sayı 6 min 284, orta sahibkarlıq subyektlərinin sayı 2 min 659, iri sahibkarlıq subyektlərinin sayı isə 601-dir.

'Sahibkar olmayan məmur var ki?' - Prezidentin dediklərinə Bakı sakinlərindən reaksiya
Gözlə

No media source currently available

0:00 0:05:29 0:00

Mikro, kiçik və orta sahibkar

Ölkədəki sahibkarlıq subyektlərinin əsas hissəsini mikro sahibkarlar təşkil edir. Hazırda fəaliyyət göstərən bütün sahibkarların 93 faizi məhz bu kateqoriyaya aiddir. Ölkədəki mikro sahibkarların hər üç nəfərindən biri (32.7 faiz) ticarətlə bağlı sahələrdə fəaliyyət göstərir. Mikro sahibkarlar daha sonra tikinti (10.3 faiz), kənd təsərrüfatı (7.8 faiz) və emal sənayesini əhatələyir (5.8 faiz). Ölkədəki mikro sahibkarların 66 faizi paytaxt Bakının payına düşür.

Sahibkarlıq subyektlərinin beş faizini təşkil edən kiçik sahibkarların fəaliyyət istiqaməti, əsasən, ticarətdir. Hər dörd kiçik sahibkarlıq subyektindən biri məhz ticarətlə məşğul olur. Tikinti (13.4 faiz), emal sənayesi (10.1 faiz) və peşə, elmi və texniki fəaliyyət (7.8 faiz) sahələri də kiçik sahibkarların ən çox üz tutduqları istiqamətlər arasındadır. Kiçik sahibkarlıq subyektlərinin 64 faizi paytaxtda fəaliyyət göstərir.

Digərlərinə nəzərən xüsusi çəkisi nisbətən aşağı olsa da, illik 3-30 milyon manat gəlirləri olan orta sahibkarlıq subyektləri də ən çox ticarət sektorundadır (19.6 faiz). Tikinti (17 faiz), emal sənayesi (12.6 faiz), peşə, elmi və texniki fəaliyyət (6.4 faiz) orta sahibkarın ən çox olduğu sahələrdir. Orta sahibkarlar arasında Bakıda olanların payı 59 faizə bərabərdir.

Qadın sahibkar: 'Məndən rüşvət istəyirlər'
Gözlə

No media source currently available

0:00 0:06:43 0:00

İldə 30 milyon manat gəlir əldə edənlər

2021-ci il iyulun 1-dək ölkə üzrə kommersiya təşkilatlarının ümumi sayının 0.4 faizini işçilərinin sayının 250-dən, gəlirlərinin isə 30 milyon manatdan çox olduğu iri sahibkarlıq subyektləri təşkil edib. Onların əsas hissəsi ticarət (17.6 faiz), emal sənayesi (16.6 faiz), tikinti (12.2 faiz) və nəqliyyat, anbar təsərrüfatı (8.7 faiz) sahələrində yaradılıb.

İri sahibkarların fəaliyyət yeri baxımından Bakı və regionlar arasında fərq digər kateqoriyalardan böyükdür. Hazırda ölkədəki iri sahibkarların təxminən hər dördündən üçü (73 faiz) məhz paytaxtdadır.

Cədvəl: İllik gəliri 30 milyon manatdan çox olan iri sahibkarlıq subyektlərinin iqtisadi rayonlar üzrə bölgüsü

İqtisadi rayonlar

İri sahibkarlıq subyektlərinin sayı

Ümumi saya görə, faizlə

Bakı şəhəri

435

72.4%

Abşeron-Xızı iqtisadi rayonu

42

7.0%

Gəncə-Daşkəsən iqtisadi rayonu

26

4.3%

Mərkəzi Aran iqtisadi rayonu

17

2.8%

Naxçıvan Muxtar Respublikası

17

2.8%

Şirvan-Salyan iqtisadi rayonu

16

2.7%

Qarabağ iqtisadi rayonu

11

1.8%

Quba-Xaçmaz iqtisadi rayonu

10

1.7%

Lənkəran-Astara iqtisadi rayonu

7

1.2%

Mil-Muğan iqtisadi rayonu

6

1.0%

Qazax-Tovuz iqtisadi rayonu

6

1.0%

Şəki-Zaqatala iqtisadi rayonu

5

0.8%

Dağlıq Şirvan İqtisadi rayonu

3

0.5%

Şərqi Zəngəzur iqtisadi rayonu

0

0.0%

Cəmi

601

100%

İri sahibkarlarla bağlı diqqətçəkən daha bir məqam illik gəliri 30 milyon manatdan çox olan şirkətlərin sayının son bir il ərzində 11 faiz azalmasıdır. Belə ki, ötən ilin iyulunda bu rəqəm 673-ə bərabər idi. İqtisadi fəaliyyət növləri üzrə bir il ərzində ən çox azalma tikinti sektorunda qeydə alınıb. Əgər ötən il bu sahədə 101 iri şirkət fəaliyyət göstərirdisə, hazırda bu rəqəm 73-ə enib. Son bir ildə iri sahibkarlıq subyektlərinin sayının ən çox artdığı fəaliyyət növü isə nəqliyyat və anbar təsərrüfatıdır. Bu istiqamətdə iri sahibkarlıq subyektlərinin sayı 45-dən 52-ə yüksəlib.

Cədvəl: 2020-2021-ci illərdə iqtisadi fəaliyyət növləri üzrə iri sahibkarlıq subyektlərinin sayı

İqtisadi fəaliyyət növü

01.01.2020 tarixinə iri sahibkarlıq subyektlərinin sayı

01.07.2021 tarixinə iri sahibkarlıq subyektlərinin sayı

Kənd təsərrüfatı

20

26

Mədənçıxarma sənayesi

41

35

Emal sənayesi

104

100

Elektrik enerjisi, qaz, buxar istehsalı

27

18

Su təchizatı, tullantıların təmizlənməsi və emalı

21

18

Tikinti

101

73

Ticarət, nəqliyyat vasitələrinin təmiri

124

106

Nəqliyyat və anbar təsərrüfatı

45

52

Turistlərin yerləşdirilməsi və ictimai iaşə

19

15

İnformasiya və rabitə

17

22

Maliyyə və sığorta fəaliyyəti

22

20

Daşınmaz əmlakla əlaqədar fəaliyyət

10

9

Peşə, elmi və texniki fəaliyyət

41

33

İnzibati və yardımçı xidmətlərin göstərilməsi

23

20

Təhsil

14

9

Əhaliyə səhiyyə və sosial xidmətlərin göstərilməsi

32

34

İstirahət, əyləncə və incəsənət sahəsində fəaliyyət

5

3

Digər sahələrdə xidmətlərin göstərilməsi

7

8

XS
SM
MD
LG