Bakı-Sabunçu-Bakı marşrutu üzrə elektrik qatarlarının hərəkəti 3 gün ərzində dayandırılır.
Bu barədə “Azərbaycan Dəmir Yolları” qapalı Səhimdar Cəmiyyətinin (QSC) açıqlamazında bildirilir.
QSC qeyd edir ki, təmirlə əlaqədar mayın 31-də, iyunun 1-də və 2-də (üç gün) Bakı-Sabunçu-Bakı marşrutu elektrik qatarlarının hərəkəti dayandırılacaq.
İyun ayının 3-dən etibarən Bakı-Sabunçu-Bakı elektrik qatarları yeni hərəkət cədvəli üzrə hərəkət edəcək. Qatarlarda gediş plastik kartla və biletlə təşkil olunacaq.
Yeni hərəkət cədvəli haqqında əlavə məlumat verilməlidir.
Xatırlatma
Bakı-Sabunçu dəmir yolu xəttində gediş haqqı 50 qəpikdir.
Bu il mayın 21-də Sabunçu dəmir yolu vağzalı kompleksinin açılışı olub. Mərasimdə prezident İlham Əliyev iştirak edib.
2018-2019-cu illərdə Bakı sərnişin-Sabunçu dəmir yolu yenidən inşa olunub. Layihənin tərkib hissəsi olan Sabunçu dəmir yolu vağzalı tamamilə yenidən qurulub. Dəmir yolunda Sabunçu stansiyası XX əsrdən fəaliyyət göstərib.