Keçid linkləri

2024, 29 Mart, Cümə, Bakı vaxtı 12:54

Saakaşvili arvadının vətəni Hollandiyaya gəlib


Saakaşvili Rotterdam sərhəd buraxılışı məntəqəsində
Saakaşvili Rotterdam sərhəd buraxılışı məntəqəsində

Mixeil Saakaşvili Ukraynadan Polşaya deportasiya edildikdən sonra həyat yoldaşının vətəni Hollandiyaya gəlib.

Fevralın 14-də “Hollandiyada nə qədər müddətə qalmağı planlaşdırır” sualına Saakaşvili “Görək nə olur, amma bu bir həqiqətdir ki, mənim burda olmağıma səbəb Ukraynada baş verənlərdir” cavabını verib.

O Danimarkanın NOS telekanalına deyib ki, “bura onsuz da tez-tez gəldiyim ölkədir”.

50 yaşlı Saakaşvili 2015-ci ildə Ukrayna prezidenti Petro Poroşenko tərəfindən Odessanın qubernatoru vəzifəsinə dəvət edilmişdi. Lakin bir il sonra iki yaxın müttəfiqin korrupsiyaya münasibət məsələsində sözləri çəp gəlmiş, Saakaşvili istefa vermiş və Poroşenko 2017-ci ildə onu Ukrayna vətəndaşlığından məhrum etmişdi.

O vaxtdan bəri Poroşenkoya müxalifətdə kampaniya aparan Saakaşvili fevralın 12-də Kiyevdəki restoranlardan birində həbs olunaraq qonşu Polşaya deport edilib. Kiyev Saakaşvilini Ukrayna ərazisinə qanunsuz gəlməkdə ittiham edirdi.

Saakaşvili 2004-2013-cü illərdə Gürcüstan prezidenti olub və hazırda bu ölkədə ona qarşı qaldırılmış cinayət işi ilə əlaqədar axtarışdadır. O Gürcüstan məhkəməsi tərəfindən qiyabi olaraq üç il azadlıqdan məhrumetmə cəzasına məhkum edilib.

Saakaşvili özünə qarşı ittihamları “qondarma və siyasi motivli” saydığını deyir.

Onun xanımı Sandra Elisabeth Roelofs-Saakashvili Hollandiyada doğulub və bu ölkənin vətəndaşıdır.

Saakaşvili bildirib ki, o Poroşenkonun hakimiyyətini devirmək məqsədilə kampaniya aparmaq üçün “Avropa turuna” çıxmaq niyyətindədir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG