Keçid linkləri

Təcili xəbərlər
2019, 23 Avqust, Cümə, Bakı vaxtı 13:54

Rusiyada zəhərlənən 69 özbəkdən biri ölüb


İllüstrasiya

Özbəkistanın Xarici İşlər Nazirliyi bildirib ki, Rusiyada bir ay əvvəl naməlum maddədən zəhərlənmiş onlarca özbək miqrantdan biri vəfat edib.

Rusiya İstintaq Komitəsi o vaxt bilirmişdi ki, onlarla Özbəkistan vətəndaşı iyulun 16-17-də Samara regionunun Sızran şəhərində qidalanma zəhərləməsi simptomu ilə xəstəxanaya yerləşdirilib.

İyulun 22-də Özbəkistan XİN xəstəxanaya yerləşdirilənlərin 69 nəfər olduğunu bildirmişdi.

Onların arasında bir uşaq da vardı.

Bəyanatda deyilirdi ki, kütləvi zəhərlənmə faktı ilə bağlı təhqiqata başlanıb.

Nazirlik avqustun 15-də bildirirdi ki, 48 Özbəkistan vərtəndaşı hələ də Samara xəstəxanasındadır.

Özbəkistan XİN-in məlumatında bu da deyilirdi ki, özbək miqrantlar Koşelovka kəndində işləyirdilər.

Məlumatda bildirilirdi ki, miqrantlar kənd sakinlərindən ayrı yaşayır və öz yeməklərini özləri hazırlayırdılar.

Şərhlər

Günün bütün mövzuları

XS
SM
MD
LG