Rusiya ordusu Lvov və Xarkovu vurdu, ölənlər var
Mariupoldadakı polad zavodunda Rusiya və Ukrayna hərbçiləri arasında döyüş gedir. Ukrayna rəsmisi deyir ki, Rusiya Krıma quru dəhlizi açmağa hazırlaşır.
"Böyük hücum"
Rusiya ordusu Ukraynanın şərqində bütün cəbhə xətti boyunca hücuma başlayıb. Bunu aprelin 18-də Ukraynanın Milli Təhlükəsizlik və Müdafiə Şurasının katibi Aleksey Danilov təsdiq edib: "Bu gün səhər Donetsk, Luqansk və Xarkov vilayətlərində işğalçılar bütün cəbhə boyunca bizim müdafiəmizi yarmağa cəhd göstəriblər...". Ətraflı
Rusiya Ukraynanın cənub-şərqində yeni hücuma keçib
Ukraynanın baş nazir müavini İrina Vereşukun məlumatına görə, Rusiya aprelin 19-da əsir mübadiləsi çərçivəsində Ukraynaya 60 hərbçi və 16 mülki şəxs təhvil verib. Onlar 10 rusiyalı zabitə dəyişdirilib və bu, indiyədək tərəflər arasında beşinci əsir mübadiləsidir.
Ukraynalı qaçqınların sayı 5 milyonu keçir
Rusiya Ukraynaya səbəbsiz təcavüzə başlayandan 5 milyondan çox ukraynalı ölkəsindən qaçqın düşüb. Bu, İkinci Dünya müharibəsindən bəri Avropada ən böyük qaçqın axınıdır. Məlumatı BMT-nin Qaçqın Agentliyi (UNCHR) yayıb. Ətraflı