İsveçlə Finlandiya ərazilərində nüvə silahı olmayacağını deyirlər
Türkiyə bir daha bu ölkələrin NATO-ya qəbulunu veto hüququ ilə əngəlləyəcəyini bildirib. Ankara İsveçlə Finlandiyanı terrorçuları dəstəkləməkdə günahlandırır.
Ukrayna üçün "Aİ-yə aparan kəsə yol yoxdur"
Almaniya kansleri Olaf Şolts deyir ki, Rusiyanın işğalına baxmayaraq, Ukraynanın Avropa İttifaqına üzvlüyü sürətləndirilə bilməz. Kiyev isə bu bəyanatı "ikinci dərəcəli" davranış kimi dəyərləndirib. "Aİ-yə aparan kəsə yol yoxdur", – Şolts mayın 19-da Almaniya parlamentində deyib. Onun sözlərinə görə, Ukraynaya müstəsna münasibət bloka üzv olmaq istəyən Qərbi Balkan ölkələrinə haqsızlıq olardı. Ətraflı
ABŞ Ukraynaya taxılını satmaqda kömək edəcək
ABŞ Qərb müttəfiqləri ilə birlikdə Ukraynaya taxıl və qarğıdalı dənini dünya bazarına çıxarmaqda kömək edəcək. Hazırda bu məhsul Rusiyanın Ukraynaya hücumuna görə anbarlarda bloklanıb. Ətraflı
"Azovstal"dan 959 döyüşçü çıxarılıb
Mariupoldakı "Azovstal" polad zavodundan çıxarılmış ukraynalı döyüşçülər Donetskdəki Yelenovka kəndində keçmiş islah koloniyasına aparılıb. Bu haqda "Reuters" şahidlərə istinadla xəbər yayıb. Həmin koloniya hazırda Rusiya hərbçilərinin və Donetskdəki separatçıların nəzarətindədir. Rusiya Müdafiə Nazirliyinin məlumatına görə, "Azovstal"dan ümumilikdə 959 hərbçi çıxarılıb, onlardan 51 yaralı Donetsk vilayətindəki Novoazovsk xəstəxanasına aparılıb. Ətraflı