Rusiyanın Ukraynaya qarşı başladığı hərbi təcavüz 25-ci gündür davam edir
Martın 20-nə olan məlumatlara görə, son sutkada Rusiyanın aktiv hücumları səngiyib. Ukrayna Silahlı Qüvvələrinin Baş Qərargahı bildirir ki, Rusiya ordusu son 24 saat ərzində aktiv hücumlar həyata keçirməyib.
Ukrayna tərəfi ddia edir ki, qarşı tərəf “səylərini cari itkilərin yerini doldurmaq və qismən məhv edilmiş texnikanı bərpa etmək üzərində cəmləşdirib”.
Rusiyayönlü bir neçə partiyanın fəaliyyəti dayandırılıb
Ukrayna Milli Təhlükəsizlik və Müdafiə Şurası Ukraynada Rusiyayönlü 10 siyasi partiyanın fəaliyyətini dayandırıb.
Bu barədə Ukrayna prezidenti Volodimir Zelenski açıqlama verib.
"Siyasətçilərin parçalanmağa və ya əməkdaşlığa yönəlmiş fəaliyyəti uğurlu olmayacaq, əksinə sərt cavab alacaq. Buna görə də Milli Təhlükəsizlik və Müdafiə Şurası Rusiya Federasiyasının başlatdığı genişmiqyaslı müharibəni və bir sıra siyasi əlaqələri nəzərə alaraq belə qərara gəlib. Siyasi strukturların bu dövlətlə hərbi vəziyyət dövründə bir sıra siyasi partiyaların hər hansı fəaliyyətini dayandırması var”, - deyə Zelenski bildirib. Ətraflı
Avstraliya silah-sursatın vacib komponentlərinin Rusiyaya göndərilməsini qadağan edib
Avstraliya Rusiya üçün "kritik vacib eksport" olan alüminium oksidi, alüminium filizləri və boksitin tədarükünü qadağan edib. Bu məhsullar silah və sursat ən vacib komponentləridir.
Mariupolda 400 nəfərin sığındığı incəsənət məktəbi vurulub
Mariupol Şəhər Şurası bildirir ki, Rusiya qoşunlarının hava hücumu ərəfəsində 400-ə yaxın şəhər sakininin atəşdən gizləndiyi 12 saylı incəsənət məktəbi zədələnib.
"Bina dağılıb, dağıntılar altında hələ də dinc sakinlər var. Qurbanların sayı barədə məlumat dəqiqləşdirilir", - məlumatda deyilir. Ətraflı