Keçid linkləri

2024, 29 Mart, Cümə, Bakı vaxtı 11:16

ABŞ-ın Rusiya milyarderlərinə yeni sanksiyalar qoyacağı xəbər verilir


Arsenal klubunun səhmdarı Alişer Usmanov və Chelsea klubunun sahibi Roman Abramoviç (Foto arxivdəndir)
Arsenal klubunun səhmdarı Alişer Usmanov və Chelsea klubunun sahibi Roman Abramoviç (Foto arxivdəndir)

Birləşmiş Ştatlar Rusiya üzərinə yeni sanksiyalar qoymağı planlaşdırır. Media xəbərlərində deyilir ki, sanksiyaların bu dövrəsinin hədəfi prezident Vladimir Putinə yaxın milyarderlər olacaq.

Reuters və Washington Post adlarının çəkilməsini istəməyən ABŞ rəsmilərinə istinadən bildirirlər ki, 2016-cı il ABŞ seçkisinə müdaxiləyə cavab olaraq onadək milyarderin sanksiyalanması gözlənilir.

Xəbər verilir ki, yeni sanksiyaların hədəflədiyi şəxslər Maliyyə Nazirliyinin ötən yanvarda dərc etdiyi siyahıya daxildir. Bunların arasında Rusiyanın qaz nəhəngi Gazprom-un rəhbəri Aleksey Miller və dövlət neft şirkəti Rosneftin baş icraçı direktoru İqor Seçin də var.

Reuters bildirir ki, yeni sanksiyaların aprelin 5-də elan ediləcəyi gözlənilirdi, lakin bəzi başqa mənbələr sanksiyaların aprelin 6-da elan ediləcəyini xəbər verirlər.

Aprelin 5-də gözlənilən sanksiyalarla bağlı suala cavabında Kremlin sözçüsü Dmitri Peskov deyib ki, “vəziyyət kifayət qədər mürəkkəbdir” və “media xəbərləri hər hansı qiymətləndirmə üçün əsas götürülə bilməz”.

ABŞ-ın bundan əvvəlki sanksiyaları martın 15-də elan edilmişdi və 19 nəfəri hədəfləyirdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG