Keçid linkləri

2024, 28 Mart, Cümə axşamı, Bakı vaxtı 14:51

Rusiya naziri: Hərbi əməliyyatlar nəhəng pul resursları tələb edir


Rusiyanın maliyyə naziri Anton Siluanov (solda) və Vladimir Putin
Rusiyanın maliyyə naziri Anton Siluanov (solda) və Vladimir Putin

Anton Siluanov deyib ki, Rusiyanın “xüsusi əməliyyat” adlandırdığı bu müharibə üçün nəhəng pul resurslarına ehtiyac var

Rusiyanın maliyyə naziri Anton Siluanov mayın 27-də deyib ki, ölkənin Ukraynadakı hərbi əməliyyatların xərcini çəkməsi üçün nəhəng maliyyə resurslarına ehtiyacı var.

Reuters yazır ki, bu, Rusiyanın iqtisadiyyat üçün büdcə xərclərinə 8 trilyon rubl (120 milyard dollar) əlavə edəcək.

Rusiya fevralın 24-də Ukraynaya qarşı əsassız və səbəbsiz müharibəyə başlayandan bəri döyüş əməliyyatlarına on minlərlə əsgər göndərib.

Reuters yazır ki, Qərbin bu təcavüzə görə Rusiyanın üzərinə qoyduğu ağır sanksiyalar onsuz da yüksək olan inflyasiyanı 18 faizə çatdırıb və ölkə hazırda resessiya uçurumunun ucundadır.

Rusiyada müharibəyə qarşı çıxan müəllimləri işdən qovurlar
Gözlə

No media source currently available

0:00 0:03:39 0:00

Putin boynuna almır

Siluanov Moskva Maliyyə Universitetində oxuduğu mühazirədə deyib ki, Rusiyanın “xüsusi əməliyyat” adlandırdığı bu müharibə üçün nəhəng pul resurslarına ehtiyac var.

Prezident Vladimir Putin əhalinin inflyasiyadan müdafiəsi üçün pensiyaları və minimum əməhaqqını 10 faiz artırmaq barədə sərəncam verib.

O bununla yanaşı ölkədəki problemlərin Ukraynadakı müharibə ilə bağlı olması ilə əlaqədar deyilənləri inkar edib.

Siluanov deyib ki, sərəncamla nəzərdə tutulan tədbirlər bu il 600 milyard rubl, 2023-cü ildə isə 1 trilyon rubl xərclənməsini tələb edəcək.

“Dost olmayan” ölkələrin pulları

Nazir mühazirədə Moskvanın “dost olmayan” ölkələrdən xarici investorların aktivlərinin dondurulmasını təqdir edib.

Moskva bu tədbirə Qərb sanksiyalarına cavab kimi əl atıb:

"Biz dost olmayan ölkələrdən xaricilərin investisiyalarına, onlar bizim qızılımıza və xarici valyuta ehtiyatımıza qoyduqları kimi həbs qoyacağıq”.

Qərb Rusiyanın beynəlxalq banklardakı 300 milyard dollarlıq valyuta ehtiyatına həbs qoyub.

Mayın 27-də 1 dollar 66,5 rubla bərabər olub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG