Keçid linkləri

2024, 19 Mart, çərşənbə axşamı, Bakı vaxtı 06:58

Rusiya Ermənistana yeni silahlar verəcək


Foto arxiv
Foto arxiv

Rusiya 2017-ci ildə Ermənistana yeni silahlar verəcək.

Bu “Kollektiv Təhlükəsizlik Müqaviləsi Təşkilatı” (KTMT) çərçivəsində həyata keçirilir.

Bu barədə mayın 22-də armenpress.am saytı məlumat yayıb.

Mənbənin yazdığına görə, bunu “Sputnik” agentliyinə Rusiya Federal hərbi-texniki əməkdaşlıq xidmətinin rəhbəri Dimitry Shugaev deyib.

Söhbət hərbi vertolyotlar, hava hücumlarından müdafiə vasitələri və zirehli texnikalardan gedir.

“Rusiya 2017-ci ildə imzalanmış müqavilələr çərçivəsində Ermənistan, Belarus və Qazaxıstana silah verilməsini davam etdirəcək.

İlk növbədə söhbət vertolyotlar, hava hücumlarından müdafiə vasitələri və zirehli texnikalardan gedir”, deyə Shugaev bildirib.

“Kollektiv Təhlükəsizlik Müqaviləsi Təşkilatı” na Rusiya, Belarus, Qazaxıstan, Qırğızıstan, Tacikistan və Ermənistan daxildir.

“Kollektiv Təhlükəsizlik Müqaviləsi”1992-ci il mayın 15-də Rusiyanın təşəbbüsü ilə yaradılıb.

Keçmiş SSRİ ölkələrinin bir çoxu, o cümlədən də Azərbaycan həmin təşkilata qoşulmayıb.

Hazırda bu hərbi-siyasi alyansa Müstəqil Dövlətlər Birliyinin 6 ölkəsi daxildir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG