Rusiyanın iqtisadi inkişaf naziri Maksim Oreşkin Azərbaycana səfər etməlidir.
Azərbaycan İqtisadiyyat Nazirliyinin məlumatına görə, səfər aprelin 22-də baş tutacaq.
Rusiyalı nazirin Azərbaycanlı həmkarı Şahin Mustafayevlə görüşəcəyi, ikitərəfli münasibətlərin inkişafı məsələlərini müzakirə edəcəyi bildirilir.
Səfərin aprelin 23-də başa çatacağı gözlənir.
Rusiyanın iqtisadi inkişaf naziri ötən ilin dekabrında da Azərbaycana gəlmişdi. O, Şahin Mustafayev və prezident İlham Əliyevlə Azərbaycan-Rusiya işgüzar münasibətlərini müzakirə etmişdi.
Həmin səfər çərçivəsində Azərbaycan və Rusiya şirkətləri arasında müxtəlif sahələr üzrə anlaşma memorandumları imzalanmışdı.