►"Bavariya"nın baş məşqçisi Pep Guardiola futbolçusu Robert Lewandowskinin "Volfsburq"la görüşdə yaratdığı möcüzədən danışıb.
Almaniya mətbuatı və digər kütləvi informasiya vasitələrinin məlumatına görə, o görüşdən sonra mətbuata açıqlamasında karyerası dövründə-istər futbolçu, istərsə də məşqçi kimi belə şey görmədiyini deyib. Guardiola deyib ki, Lewandowskinin elədikləri inanılmazdır.
Robert Lewandowski sentyabrın 22-də Bundesliqada "Volfsburq"la görüşdə 9 dəqiqəyə 5 qol vurub ki, bu Avropanın futbol tarixində yeni rekorddur.
Özü də ehtiyatda oturan futbolçu bunu ikinci hissə, oyuna girdikdən sonra edib.
Birinci hissədə 0:1 hesabı ilə məğlub olan “Bavariya” sonda 5:1 hesabı ilə qalib gəlib.
