Keçid linkləri

Təcili xəbərlər
2020, 29 Oktyabr, Cümə axşamı, Bakı vaxtı 21:31

ABŞ senatoru deyir ki, Trump-dan Putinə məktub ‘çatdırıb’


Senator Rand Paul

ABŞ-ın respublikaçı senatoru Rand Paul deyir ki, prezident Donald Trump-ın Rusiya lideri Vladimir Putinə göndərilmiş məktubunu çatdırıb.O bu barədə avqustun 8-də özünün Twitter postunda yazıb:

Kentukkili millət vəkili hazırda Moskvaya səfərdədir.

Senator deyib ki, məktubda iki ölkə arasında antiterror, qanunvericilik dialoqu da daxil müxtəlif sahələrdə danışıqların, habelə mədəni əlaqələrin bərpasının mühümlüyü vurğulanır.

Rusiya mediası Putinin sözçüsü Dmitry Peskova istinadən məktubun diplomatik kanallarla alındığını bildirir.

Peskov deyib ki, çox tezliklə məktub prezident administrasiyasına veriləcək.

Ağ Ev belə bir məktubun göndərildiyi barədə şərh verməyib.

Paul artıq bir neçə gündür ki, Rusiyadadır və ABŞ-ın Moskvadakı səfirliyi bu səfəri “şəxsi qrupun” səfəri adlandırır.

Səfər Rusiya ilə ABŞ arasında həssas dövrə təsadüf edir.

Trump Rusiya, xüsusilə də Putinlə münasibətlərin yaxşılaşdırılmasına çağırır, lakin geosiyasi rəqibə olan belə xoş münasibətinə görə ölkə siyasətçiləri tərəfindən sərt tənqid olunur.

Bu arada ABŞ Maliyyə Nazirliyi Rusiya üzərinə yeni sanksiyalar elan edib.

ABŞ senatorları avqustun 6-da Moskvada rusiyalı həmkarları ilə görüşübləreter Hettler, Texas Sen. Don Huffines, Sen. Rand Paul and his communications director Sergio Gor attend a meeting with Russian lawmakers in Moscow, August 6
ABŞ senatorları avqustun 6-da Moskvada rusiyalı həmkarları ilə görüşübləreter Hettler, Texas Sen. Don Huffines, Sen. Rand Paul and his communications director Sergio Gor attend a meeting with Russian lawmakers in Moscow, August 6

Rusiya Federasiya Şurasında etdiyi çıxışda Paul deyib ki, Vaşinqton və Moskva danışıqlara başlamalıdırlar, çünki bu iki ölkə dünyanın bir çox qaynar nöqtələrində yaxın məsafədə mövqe tutublar:

"Mənim Rusiyaya gəlməkdən məqsədim çatdırmaqdır ki, biz kommunikasiya xətlərinin açıq saxlanmasını istəyirik. Bu o demək deyildir ki, bizim fikir fərqlərimiz yoxdur və ya bəzi hallarda olmayacaq, amma biz razılaşmadığımız məsələlərdə dönə-dönə müzakirə aparmalıyıq. Müzakirələr son dərəcə mühümdür, diplomatiya mühümdür”.

AzadlıqRadiosu xatırladır ki, Paul Rusiyaya qarşı sərt sanksiyalar nəzərdə tutan 2017-ci il tarixli qanunun əleyhinə səs vermiş iki müllət vəkilindən biridir və o Donald Trump-ın Rusiya ilə danışıqlar aparmaq niyyətini müdadfiə edir.

Özünün səfəri zamanı Paul deyib ki, o Rusiya millət vəkillərini Vaşinqtona səfərə dəvət edib və onlar “bu mühüm addımı atmağa hazır olduqlarını bildiriblər”.

https://www.paul.senate.gov/news/senator-paul-and-chairman-kosachev-agree-us-russia-engagement

XS
SM
MD
LG