Qırğızıstan öz ərazisində Kollektiv Təhlükəsizlik Müqaviləsi Təşkilatının (KTMT) təlimlərini ləğv etmək qərarına gəlib. AzadlıqRadiosunun qırğız xidməti ölkənin Müdafiə Nazirliyinin mətbuat xidmətinə istinadən məlumat verir.

Qeyd olunur ki, KTMT sülhməramlı qüvvələri ilə “Sarsılmaz qardaşlıq-2022” komanda-qərargah təlimləri 2022-ci ilin oktyabrında Qırğızıstan ərazisində keçirilməli idi.

Buna da bax:

Azərbaycan-Ermənistan gərginliyinin arxasında nə var? - Qərb eksperti

Sentyabrın 14-17-də KTMT daxil olan Qırğızıstan və Tacikistan hərbçiləri arasında genişmiqyaslı toqquşma olub, nəticəsində 63 Qırğızıstan vətəndaşı həlak olub, 200-ə yaxını yaralanıb. Tacikistanla həmsərhəd kəndlərin 140 mindən çox sakini evlərini tərk etmək məcburiyyətində qalıb.

Sentyabrın 18-də Qırğızıstan Xarici İşlər Nazirliyi öz bəyanatında Tacikistanı silahlı təcavüz aktında ittiham edib.

Eyni ittihamları Tacikistan Qırğızıstana qarşı da səsləndirib. Tacikistan Xarici İşlər Nazirliyi sərhəd münaqişəsinin 41 qurbanı olduğunu bildirib.

“Ozodi” radiosu (AzadlıqRadiosunun tacik xidməti) öz mənbələrindən əldə etdiyi məlumatlara əsaslanaraq ölən 74 Tacikistan vətəndaşının siyahısını dərc edib.

Embed paylaş

Yerevanda MDB-nin hərbi ittifaqına qarşı aksiya

Embed paylaş

Kod yaddaşa götürüldü

---

en px hündürlük px

---

The URL has been copied to your clipboard

No media source currently available

0:00 0:03:38 0:00

Digər müstəqil mənbələrdən Tacikistan tərəfdən qurbanlar və zərərçəkənlər barədə məlumatı təsdiqləmək mümkün olmayıb.

Həmin hadisələr zamanı Qırğızıstan hakimiyyəti KTMT-ni ölkənin Tacikistanla sərhədində yaranmış gərgin vəziyyətin həllində fəal iştirak etməyə çağırıb.

Qırğızıstan həmçinin KTMT-ni silahlı basqınların qarşısını almaq və dövlətlər arasında bütün fikir ayrılıqlarını sülh yolu ilə həll etmək üçün nizamnamə sənədlərini dəyişdirməyə çağırıb.

Əsası 1992-ci il mayın 15-də qoyulan hökumətlərarası bu hərbi ittifaqa Belarus, Qazaxıstan, Qırğızıstan, Rusiya, Tacikistan və Ermənistan daxildir.

Buna da bax:

KTMT Ermənistana sülhməramlı göndərməyi planlaşdırmır

Tanınmamış Abxaziya Respublikasının Qali rayonunda Azərbaycan və Türkiyə vətəndaşları saxlanılıb.

Abxaziya Dövlət Təhlükəsizliyi Xidmətinin məlumatına görə, qurum Rusiya Federal Təhlükəsizlik Xidmətinin (FSB) Sərhəd İdarəsi ilə birgə "dövlət sərhədinin qanunsuz keçilməsi" kanalını aşkarlayıb və iki qrup xarici vətəndaşı saxlayıb.

"Birinci qrupda iki Türkiyə vətəndaşı var: 1997-ci il təvəllüdlü Selçuk Güren – o, Türkiyə ərazisində törədilmiş sifarişli qətl hadisəsinə görə İnterpol xətti ilə beynəlxalq axtarışa verilib - və 2001-ci il təvəllüdlü Doğan Bersan – o da qətl törətmək və narkotik vasitələrin ticarətinə görə axtarışdadır", —məlumatda bildirilir.

Tanınmamış respublikanın müvafiq qurumunun mayın 26-da yaydığı məlumata görə, Azərbaycan vətəndaşları - 1974-cü il təvəllüdlü Həsən Əzizov və 1990-cı il təvəllüdlü Namaz Təhməzli də saxlanılıb.

Abxaziyanın Dövlət Təhlükəsizliyi Xidmətinin məlumatına görə, onlar "Gürcüstanda cinayət məsuliyyətindən yayınmaq üçün Abxaziyada gizlənməyə cəhd ediblər".

Qeyd olunub ki, saxlanılan şəxslər barəsində Cinayət Məcəlləsinin 324-cü maddəsinin 2-ci bəndi (sərhədin qanunsuz keçilməsi — əvvəlcədən əlbir olan şəxslər qrupu və ya mütəşəkkil dəstə tərəfindən törədildikdə) üzrə cinayət işi qaldırılıb.

Tbilisi xarici vətəndaşların Abxaziyada saxlanılması ilə bağlı şərh verməyib.

ABŞ dövlət katibi Marko Rubio mayın 28-də elan edib ki, ABŞ Çin Kommunist Partiyası ilə əlaqəsi olan və kritik sahələrdə təhsil alanlar da daxil olmaqla çinli tələbələrin vizalarını "qətiyyətlə" ləğv etməyə başlayacaq. Bu barədə ABŞ Dövlət Departamentinin saytında onun adından dərc olunan bəyanatda deyilir.

Rubio bəyanatında bildirib ki, Dövlət Departamenti Çindən və Honq Konqdan olan gələcək bütün viza müraciətlərinə nəzarəti gücləndirmək üçün viza meyarlarını da yenidən nəzərdən keçirəcək.

"ABŞ Dövlət Departamenti çinli tələbələrin vizalarının ləğvini qətiyyətlə həyata keçirmək üçün Daxili Təhlükəsizlik Nazirliyi ilə birgə işləyəcək", — o bildirib.

Vaşinqtondakı Çin səfirliyi məsələ ilə bağlı şərh verməyib.

Tramp administrasiyasının Harvard Universitetinin əksəriyyəti çinli olan xarici tələbələri qəbul etmək imkanını məhdudlaşdırmasının ardınca Çinin Xarici İşlər Nazirliyi xaricdəki çinli tələbələrin qanuni hüquq və maraqlarını qəti şəkildə qoruyacağını bəyan etmişdi.

"Reuters" yazır ki, əgər bu qərar ABŞ-də təhsil alan yüz minlərlə çinli tələbənin geniş bir hissəsinə şamil olunsa, bu, Amerika universitetləri üçün mühüm gəlir mənbəyinə və ABŞ texnologiya şirkətləri üçün vacib olan istedadlı işçi qüvvəsi axınına təsir edə bilər.

Rubionun bəyanatında vizaların ləğvinin hansı miqyasda olacağı ilə bağlı ətraflı məlumat verilməyib. Lakin nisbətən az sayda tələbəyə şamil edilməsi belə, Çindən ABŞ-yə ali təhsil almaq üçün gələn çinli tələbələrin axınına təsir göstərə bilər.

Son onilliklər ərzində ABŞ Çinin son dərəcə rəqabətli universitet sisteminə alternativ axtaran və Amerika universitetlərinin güclü reputasiyasına cəlb olunan çoxsaylı çinli tələbələr üçün əsas seçimə çevrilib. Həmin tələbələr, adətən, ABŞ universitetlərinin yüksək təhsil haqqını ödəyə bilən varlı ailələrdən gəlirlər.

Bir çox analitiklər hazırkı ABŞ-Çin geosiyasi rəqabətini Soyuq müharibənin yeni forması kimi qiymətləndirir. ABŞ-nin müvafiq qurumları və Konqres Çin hökumətinin maliyyələşdirdiyi təsir fəaliyyətləri və texnologiyalarla bağlı Amerika universitetlərində nəzarəti gücləndirib.

Trampın birinci prezidentliyi dövründə ozamankı dövlət katibi Mayk Pompeo ABŞ universitet kampuslarında Çin hökumətinin maliyyələşdirdiyi Konfutsi İnstitutunun mədəniyyət mərkəzlərinin ləğvi təşəbbüsünə rəhbərlik edib. O bildirib ki, bu mərkəzlər Çinin qlobal təbliğatını və "zərərli" təsirini yaymaq və "casuslar və əməkdaşlar cəlb etmək" məqsədinə xidmət edir.

Rusiyanın Stavropol şəhərində yaşayış binasının həyətində baş verən partlayış nəticəsində iki nəfər ölüb və onlardan biri şəhər merinin birinci müavini Zaur Qurtsiyevdir. O, Ukraynaya qarşı işğalçı müharibədə iştirak etmiş veteranların hakimiyyət orqanlarında işlə təmin olunması üçün nəzərdə tutulan "Qəhrəmanların zamanı" proqramı çərçivəsində bu vəzifəyə təyin olunub.

"Shot" teleqram kanalı yazıb ki, partlayışa səbəb qumbaranın partladılması ehtimal olunur.

Qubernator Vladimir Vladimirov hadisə nəticəsində Qurtsiyevin öldüyünü təsdiqləyib. Onun sözlərinə görə, bütün versiyalar, o cümlədən Ukrayna tərəfindən sui-qəsd ehtimalı da araşdırılır.

Mayor Z.Qurtsiyev aviasiyanın döyüş idarəetməsi qərargahının rəisi olub. "Qəhrəmanların zamanı" proqramının saytında bildirilir ki, o, Mariupolun işğalı əməliyyatının hava hissəsinə rəhbərlik edib. Qeyd olunub, o, raketlərin hədəfə yönəldilməsi texnologiyasına öz təkmilləşdirməsini tətbiq etməklə onların dəqiqliyini və effektivliyini bir neçə dəfə artırıb.

Mariupolda gedən döyüşlər nəticəsində yüzlərlə yaşayış binası və mülki obyekt dağıdılıb, Rusiya dəfələrlə ayrıseçkilik tətbiq etmədən hava zərbələri endirməkdə ittiham olunub, ancaq Moskva bu ittihamları rədd edir.

Milyarder işadamı İlon Mask bildirib ki, Hökumətin Effektivlik Departamentində (DOGE) onun səlahiyyət müddəti başa çatır və o, "qeyri-effektiv" xərcləri azaltmaq imkanı yaratdığı üçün prezident Donald Trampa təşəkkür edir.

"Zaman keçdikcə DOGE-nin missiyası daha da güclənəcək, çünki bu, bütün hökumət üçün həyat tərzinə çevriləcək", - o, X platformasındakı paylaşımında bildirib.

Tramp Ağ evə qayıtdıqdan sonra Mask "xüsusi dövlət qulluqçusu" təyin edilib. Bu da ona 130 gün dövlət üçün çalışmağa imkan verib. Bu müddət mayın sonunda başa çatır.

"Reuters" mənbələrə istinadən bildirib ki, Mask bu açıqlamadan əvvəl Tramp ilə heç bir danışıq aparmayıb və onun gedişi "sürətli" və rəsmi mərasim olmadan baş verib. Buna baxmayaraq, bildirilir ki, qərar ən yüksək səviyyədə qəbul edilib.

Daha əvvəl Mask bildirmişdi ki, "Tesla" şirkətinin idarə olunmasına fokuslanacaq və gələcəkdə siyasətə daha az vaxt sərf edəcək, çünki onun fikrincə, artıq kifayət qədər iş görüb. O, həmçinin vəd etmişdi ki, dövlət qulluqçusu vəzifəsində iş vaxtını həftədə bir-iki günə endirəcək.

"The Washington Post" isə mənbələrə istinadən yazıb ki, Maskın qərarına nəticələrin yetərsizliyindən doğan məyusluq təsir edib. Onun islahat proqramı on minlərlə dövlət qulluqçusunun ixtisarına və bəzi dövlət qurumlarının ləğvinə səbəb olsa da, Maskın vəd etdiyi maliyyə effekti əldə olunmayıb.

İranda "İsrail üçün casusluq"da ittiham olunan Pedram Mədəni edam olunub. İnsan haqları təşkilatları bu işin "əsaslı" qüsurlarla dolu olduğunu və ittihamların məcburiyyət altında alınmış etiraflara əsaslandığını qeyd ediblər.

Ölkənin ədliyyə sisteminə bağlı "Mizan" xəbər agentliyi mayın 28-də bildirib ki, edam "İsrail üçün casusluq" və "qanunsuz yollarla var-dövlət əldə etmə" ittihamlar əsasında həyata keçirilib.

Pedram 2020-ci ildə İsrailə casusluq etməsi iddiası ilə həbs olunub.

O, İnqilab Məhkəməsi tərəfindən "yer üzündə fəsad törətmək" ittihamı ilə ölüm cəzasına məhkum edilib. Bu hökm Ali Məhkəmə tərəfindən üç dəfə ləğv edilsə də, hər dəfə aşağı instansiya məhkəməsi onu yenidən ölüm cəzasına məhkum edib.

2023-cü ilin Nobel Sülh Mükafatı laureatı, həbsdə olan iranlı dissident Nərgiz Məhəmmədi P.Mədəninin anasının İran hakimiyyətinə müraciət videosunu yayımlayıb. Videoda Mədəninin anası müəmmalar və ciddi qüsurlarla dolu bu işin yenidən araşdırılmasını istəyir.

P.Mədəninin edam xəbəri "Human Rights Watch"un İran hakimiyyətinin "dəhşətli edam dalğası" həyata keçirdiyi qeyd olunan hesabatından cəmi bir gün sonra yayılıb. Hesabata görə, 2025-ci ilin əvvəlindən İranda 478 nəfər edam edilib ki, bu da ötən ilin eyni dövrü ilə müqayisədə 75 faiz artım deməkdir.

"2025-ci ilin ilk beş ayında İran hakimiyyəti gündə orta hesabla azı üç nəfəri edam edib. Hökumətin fərqli düşüncəyə qarşı amansız repressiyaları və narkotik əleyhinə qəddar siyasəti nəticəsində daha çox dissident və cəmiyyətdə marginal vəziyyətdə olan insanlar qurbana çevrilir", – "Human Rights Watch"un icraçı direktoru Federiko Borello bildirib.

"Edam dalğasının ləngiyəcəyinə dair heç bir əlamət görünmür. Bu böhranın miqyası beynəlxalq ictimaiyyətin İran hökumətinə edamları dərhal dayandırmaq və ölüm cəzasına moratorium tətbiq etmək üçün təzyiq göstərməsinin nə qədər təcili olduğunu göstərir", – Borello əlavə edib.

Gürcüstanın daxili işlər naziri və baş nazirin müavini Vaxtanq Qomelauri istefa verib. O, bu barədə ictimaiyyətə müraciətində bildirib.

Qomelauri ötən ilin payızında Tbilisidə nümayişləri dağıtdığına görə ABŞ, Böyük Britaniya və Avropa İttifaqına (Aİ) üzv bir sıra ölkələrin sanksiyalarına məruz qalıb. Bundan sonra Gürcüstan hakimiyyəti onu "Şərəf" ordeni ilə təltif edib, general-polkovnik rütbəsi verib və baş nazirin müavini vəzifəsinə yüksəldib.

Qomelauri qeyd edib ki, istefa qərarı onun üçün asan olmayıb, lakin onun sözlərinə görə, indi ailəsinə daha çox diqqət yetirəcəyi vaxt çatıb.

"2011-ci ildən ölkəmizdə dönüş nöqtəsi yaradan cənab Bidzina İvanişvilinin başçılıq etdiyi mübarizənin iştirakçısıyam. Ölkəmizin hökumət komandasının rəhbərliyi altında əldə etdiyi bütün nailiyyətlər dəyərlidir və mənim üçün qürur mənbəyidir. Buna əsaslanaraq bu komandaya sadiq qalacağam. Gələcəkdə də, bundan sonra da komandanın yanında olmağa hazıram", – Qomelauri qeyd edib.

Qomelauri bir neçə il İvanişvilinin təhlükəsizliyinə rəhbərlik edib. 2013-cü ildən daxili işlər nazirinin müavini, sonra idarə rəisi, Dövlət Təhlükəsizliyi Xidmətinə rəhbərlik edib, 2019-cu ildə isə yenidən daxili işlər naziri təyin edilib.

İqtidarda olan "Gürcü arzusu" hökumət strukturlarında bir sıra kadr dəyişiklikləri həyata keçirib. Onların legitimliyi Gürcüstan müxalifəti və Gürcüstan ictimaiyyətinin bir hissəsi tərəfindən tanınmır. Bəzi politoloqlar və ekspertlər bildirir ki, bu yolla hakimiyyət payızda keçirilməsi planlaşdırılan yerli seçkilərə və, ola bilsin, yeni parlament seçkilərinə hazırlaşır.

Qela Qeladze Gürcüstanın yeni daxili işlər naziri təyin edilib. Qeladze daha əvvəl müxtəlif idarələrdə rəhbər vəzifələrdə, o cümlədən təhsil, müdafiə nazirlikləri və Dövlət Təhlükəsizliyi Xidmətində müavin postlarında çalışıb.

ABŞ prezidenti Donald Trampın administrasiyası Amerika tələbə vizasına müraciət edən bütün namizədlərin sosial şəbəkə hesablarının yoxlanılmasını nəzərdə tutan planı nəzərdən keçirir.

Bu barədə "Politico" ABŞ-nin xarici ölkələrdəki səfirliklərinə göndərilən diplomatik göndərişin məzmununa istinadən məlumat yayıb.

Mayın 27-də ABŞ dövlət katibi Marko Rubio tərəfindən imzalanmış teleqramda bildirilib ki, sosial şəbəkələrin məcburi yoxlanılması tətbiqinə hazırlıq çərçivəsində Dövlət Departamenti tələbələr üçün viza müraciətləri üzrə yeni müsahibələrə fasilə vermək göstərişi verib: "Bu bildiriş alınan tarixdən etibarən sosial şəbəkələrin məcburi yoxlanmasının genişləndirilməsinə hazırlıq çərçivəsində konsulluq şöbələri tələbə və mübadilə vizaları üzrə (F, M və J kateqoriyaları) əlavə müsahibə tarixləri təyin etməməlidirlər. Yaxın günlərdə əlavə təlimatların göndərilməsi gözlənilir".

"Politico" nəşri yazır ki, əgər plan həyata keçirilərsə, bu, tələbə vizalarının hazırlanması prosesini əhəmiyyətli dərəcədə ləngidə bilər. Bundan əlavə, bu addım təhsil haqlarını ödəyən xarici tələbələrdən maliyyə baxımından asılı olan bir çox universitetə ziyan vura bilər.

Daha əvvəl administrasiya sosial şəbəkələrin yoxlanması ilə bağlı müəyyən tələblər tətbiq edib. Lakin bu, əsasən, ABŞ-yə qayıdan tələbələrə aid idi, onların İsrailin Qəzzadakı əməliyyatına qarşı keçirilən etiraz aksiyalarında iştirak edib-etməməsini müəyyən etmək üçün.

Administrasiya həmçinin universitetlərə, xüsusilə də Harvard kimi elit ali təhsil müəssisələrinə nəzarətin sərtləşdirilməsi istiqamətində addımlar atır. İddia olunur ki, bu universitetlər həddindən artıq liberal mövqe tutur və kampuslarda antisemitizm elementlərinə göz yumurlar.

Eyni zamanda, miqrasiya nəzarətinin sərtləşdirilməsi prosesi də davam edir və bu çərçivədə bəzi xarici tələbələr saxlanılıb.

"The Associated Press" (AP) Ukrayna Baş Prokurorluğunun məlumatlarına istinadən xəbər verir ki, Moskvanın Ukraynaya qarşı tammiqyaslı işğal müharibəsi başlayandan bəri azı 206 ukraynalı hərbçi Rusiya əsirliyində həlak olub.

Hüquq-müdafiə qruplarının, BMT-nin, Ukrayna hökumətinin və məhkəmə-tibbi ekspertin açıqlamalarına görə, Rusiya həbsxanalarında qəddar rəftar çoxsaylı ölümlərin baş verməsində ehtimal olunan əsas amillərdən biridir.

AP mənbələri bildiriblər ki, ölümün səbəbini müəyyən etmək həmişə mümkün olmur, çünki bəzən qurbanların daxili orqanları çıxarılmış olur, bəzi hallarda isə qançırlar və xəsarətlər gizlədilir. Ukraynanın Hərbi Əsirlərlə İş üzrə Koordinasiya Qərargahının nümayəndəsi Petro Yatsenko bildirib ki, Rusiya əsirlərin meyitlərini o vaxta qədər saxlayır ki, onların üzərində artıq heç nə müəyyən etmək mümkün olmasın. Ukrayna rəsmiləri hesab edir ki, Rusiya əsirlərin ölümünün əsl səbəblərini gizlətməyə çalışır.

AP həmçinin BMT-nin ötənilki hesabatını xatırladıb. Həmin hesabatda qeyd olunurdu ki, azad edilən ukraynalı hərbi əsirlərin 95 faizi həbsdə olarkən "sistemli" işgəncələrə məruz qalıb. Əsirlər döyülmə, elektrik cərəyanı verilməsi, boğulma, seksual zorakılıq, edamın imitasiyası və yuxudan məhrumetmə kimi zorakılıqlardan danışıblar.

Rusiya hökuməti AP-in şərh sorğusuna cavab verməyib. Daha əvvəl isə Rusiya Ukraynanı hərbi əsirlərlə qəddar rəftarda ittiham etmişdi. BMT bu ittihamların bir hissəsini təsdiqləsə də, Ukrayna tərəfindən baş verən pozuntuların həm miqyas, həm də ağırlıq baxımından Rusiyada törədilənlərlə müqayisədə xeyli az olduğunu bəyan edib.

Mayın 26-da Moskvada Rusiya prezidenti Vladimir Putin və Türkiyə xarici işlər naziri Hakan Fidan arasında baş tutan görüşdə tərəflər Ukraynadakı müharibənin sonlandırılması istiqamətində səyləri, İstanbulda Moskva və Kiyev arasında birbaşa görüşdən sonrakı prosesləri müzakirə edib. "Reuters" bu barədə Türkiyə Xarici İşlər Nazirliyindəki (XİN) mənbəyə istinadən yazıb.

H.Fidan Rusiyaya ikigünlük səfəri çərçivəsində prezident Putinlə və Rusiyanın Ukrayna ilə danışıqlarda baş müzakirəçisi Vladimir Medinski ilə görüşüb. Türkiyənin baş diplomatının bu gün, mayın 27-də rusiyalı həmkarı Sergey Lavrovla görüşəcəyi bildirilib.

Rusiya və Ukrayna arasında gələcək danışıqlar üçün vaxt və yer razılaşdırılmasa da, NATO müttəfiqi Türkiyə dəfələrlə bu danışıqlara ev sahibliyi edə biləcəyini bəyan edib.

Mayın əvvəlində Moskva və Kiyevdən olan nümayəndələr 2022-ci ilin martından bəri ilk dəfə İstanbulda görüşüblər. Tərəflər arasında atəşkəs razılaşdırılmayıb, ancaq Rusiya və Ukrayna hərbi əsirlərin mübadiləsi (1000-ə 1000) və mümkün atəşkəs üçün şərtlərin yazılı şəkildə hazırlanması barədə razılıq əldə ediblər.

Türkiyəli mənbə bildirib ki, görüşdə Putin və Fidan Ukrayna və Rusiya arasında müharibəyə son qoymaq üçün son vaxtlar həyata keçirilən təşəbbüsləri və İstanbulda aparılan danışıqlardan sonra baş verənləri müzakirə ediblər.

O əlavə edib ki, iqtisadiyyat və enerji məsələləri də müzakirə olunub.

Rusiya tərəfi mayın 26-da bildirib ki, danışıqların əsas mövzusu ikitərəfli münasibətlər olacaq, lakin Ukraynanın da müzakirə olunacağı istisna edilməyib.

Görüşdən əvvəl Türkiyə tərəfi bildirib ki, H.Fidan Ankaranın tərəfləri qəbul etmək təklifini təkrarlayacaq və "vasitəçi" rolunu davam etdirəcək.

Türkiyə XİN rəhbərinin bu həftənin sonunda Ukrayna rəsmiləri ilə görüşmək və İstanbul danışıqlarını müzakirə etmək üçün Kiyevə gedəcəyi gözlənilir.

Rusiya mənbələri Türkiyə, Birləşmiş Ərəb Əmirlikləri, Səudiyyə Ərəbistanı, Qətər və Omanı danışıqlar üçün potensial ölkə kimi gördüklərini bildiriblər.

Almaniya Xarici İşlər Nazirliyinin (XİN) məxfi hesabatında bildirilir ki, Çin Rusiyaya qarşı tətbiq edilən sanksiyalardan yayınma hallarının 80 faizinə görə məsuliyyət daşıyır. Sözügedən sənədə "Süddeutsche Zeitung" qəzeti, eləcə də NDR və WDR telekanalları çıxış əldə edib.

Sənəd Avropa İttifaqının (Aİ) Xarici Əlaqələr Şurasının mayın 20-də Brüsseldə keçirilmiş iclasının yekunlarını ümumiləşdirir. Orada Rusiyaya qarşı sanksiya rejiminin genişləndirilməsi imkanları və artıq qəbul edilmiş tədbirlərin effektivliyi müzakirə olunub.

Hesabata görə, Aİ hesab edir ki, sanksiyalar Rusiya iqtisadiyyatına ciddi təsir göstərib. Rusiyanın "kölgə donanması" ilə mübarizədə müəyyən uğurlar əldə olunub. Aİ-nin sanksiyalar komitəsinin rəhbəri Devid O'Sallivan belə gəmilər tərəfindən ən çox istifadə olunan Türkiyə, Hindistan və Malayziyadakı limanlara sanksiyaların tətbiqi imkanını araşdırmağı təklif edib.

Qeyd olunub ki, Brüssel üçüncü ölkələr, xüsusilə də Ermənistan, Serbiya, Özbəkistan və Hindistan vasitəsilə Rusiyaya müharibə ilə bağlı malların ixracını məhdudlaşdırmaqda "müəyyən irəliləyiş" əldə edib. Ancaq eyni zamanda, Qazaxıstan, Birləşmiş Ərəb Əmirlikləri və Türkiyə ilə bağlı hələ də çətinliklərin olduğu bildirilib.

Almaniya XİN-in sənədində qeyd edilir ki, Aİ Rusiyaya qarşı sanksiyalardan yayınma ilə mübarizədə daha ABŞ-nin dəstəyinə ümid etmir. Bu məsələ ilə bağlı danışıqlar nəticəsiz qalıb.

Hesabata görə, O'Sallivan bəyan edib ki, artıq Aİ ilə ABŞ arasında sanksiyalar rejimi ilə bağlı təmas yoxdur və G7 ölkələri arasında Rusiyaya qarşı yeni məhdudiyyətlər üzrə əməkdaşlıq "sürətini itirib".

Qərb ölkələri Ukraynaya verilən silahların atəş məsafəsinə qoyulan məhdudiyyətləri aradan qaldırıb, - Almaniya kansleri Fridrix Merts WDR-in efirində bildirib.

"Ukraynaya göndərilən silahların atəş uzaqlığına artıq nə ingilislər, nə fransızlar, nə də bizim tərəfimizdən məhdudiyyət var. Amerika tərəfdən də belə bir şey yoxdur", - o vurğulayıb.

Merts əvvəllər dəfələrlə Ukraynaya hərbi yardımın artırılmasına, o cümlədən keçmiş kansler Olaf Şolts hökumətinin çatdırılmasını blokladığı uzaqmənzilli "Taurus" qanadlı raketlərinin verilməsinə çağırıb.

"Mən həmişə demişəm ki, bunu edərdim, ancaq avropalı tərəfdaşlarla razılaşdırmaqla",- o deyib. Merts xatırladıb ki, bəzi Qərb ölkələri artıq Ukraynaya uzaqmənzilli raketlər verir.

Bundan əvvəl Almaniya hökuməti Ukraynaya yeni hərbi yardım paketlərinin məzmununu ətraflı açıqlamamaq qərarına gəlib. Almaniyanın artıq Ukraynaya "Taurus" raketlərini göndərib-göndərmədiyini Merts bildirməyib.

Kremlin mətbuat katibi Dmitri Peskov Mertsin sözlərini şərh edərkən deyib: "Həqiqətdirsə, belə qərarlar potensial olaraq siyasi həll yoluna çıxmaq istəklərimizə ziddir".

Rusiya ordusu Baltik dənizində "kölgə donanması"na aid olduğu ehtimal edilən neft tankerlərini müşayiət etməyə başlayıb. Bu barədə Finlandiyanın müdafiə naziri Antti Hakkanen "Yle" telekanalına müsahibəsində bildirib.

Müdafiə nazirinin sözlərinə görə, tankerlər Finlandiya körfəzindən keçərkən müşayiət olunur. Əməliyyatda hansı gəmilərin iştirak etdiyi açıqlanmır. Helsinki bildirib ki, hərbi eskortu təhlükə hesab etmir.

Hərbi müşayiət Finlandiya və Estoniya sərhədçiləri tərəfindən "kölgə donanması"nın tankerlərinin saxlanılmasından sonra başlayıb.

Aİ ölkələri bildirir ki, Rusiya neftini daşıyan köhnə tankerlər regionun ekologiyasını təhdid edə bilər. Bundan əlavə, Aİ sanksiyalar rejiminin müəyyən etdiyi qiymətdən yüksək qiymətə neft ticarətində iştirak edən gəmilərin sığortalanmasını qadağan edir.

ABŞ hökuməti Harvard Universitetinin xarici tələbələri qəbul etmək imkanını əlindən alıb. Bundan əlavə, prezident Donald Trampın administrasiyası hazırda ABŞ-də təhsil alan xarici tələbələri başqa təhsil müəssisələrinə köçməyə məcbur edir, əks halda, onlar ölkədə qanuni qalmaq hüququnu itirəcəklər. Bu barədə mayın 22-də Daxili Təhlükəsizlik Nazirliyi məlumat yayıb.

Nazir Kristi Noem Harvard Universitetinin tələbə mübadiləsi proqramını zorakılığı, antisemitizmi təşviq etməkdə və Çin Kommunist Partiyası ilə "koordinasiyalı" hərəkətlərdə günahlandıraraq onun sertifikatının ləğvinə göstəriş verib.

Daha əvvəl universitet Noemin rəhbərlik etdiyi qurumun tələbi ilə bəzi xarici tələbələr barədə məlumat verməkdən imtina etmişdi. "Universitetlər üçün xarici tələbələri qəbul etmək və onların daha yüksək təhsil haqqından yararlanaraq milyardlarla dollarlıq fondlarını artırmaq bir hüquq deyil, imtiyazdır", –Noem vurğulayıb.

Harvard Universiteti Tramp administrasiyasının minlərlə tələbəyə təsir edən addımlarını qanunsuz, qisas xarakterli və ali məktəbin akademik və tədqiqat missiyasını sarsıdan hərəkətlər kimi qiymətləndirib. Universitet zərər çəkmiş tələbələrə dəstək olacağını vəd edib.

"Reuters" universitetin statistikasına istinadən bildirib ki, 2024–2025-ci tədris ilində Harvard Universiteti 6 min 800-dək xarici tələbə qəbul edib ki, bu da ümumi tələbə sayının 27 faizini təşkil edir.

Prezident D.Tramp ölkə daxilində özəl kollec və məktəbləri yenidən qurmağa çalışır, onları anti-Amerika, marksist və radikal solçu ideologiyanı təbliğ etməkdə ittiham edir. Tramp Harvardı fakültə və ya rəhbər vəzifələrə tanınmış demokratları işə götürdüyünə görə tənqid edib.

Apreldə bildirilib ki, Tramp administrasiyası Harvard Universitetini vətəndaş hüquqları qanunlarını pozmaqda və antisemitizmlə lazımi səviyyədə mübarizə aparmamaqda günahlandıraraq universitetə 2.2 milyard dollar federal maliyyəni dayandıracağını elan edib. Ağ ev həmçinin Kolumbiya Universitetinə 400 milyon dollara yaxın maliyyəni dayandırıb. Bu addımlar 2023-cü ildən bəri İsrailin Qəzzada apardığı hərbi əməliyyatlardan sonra ABŞ universitetlərində Fələstinə dəstək xarakterli tələbə etirazları dalğasına cavab olaraq atılıb.

G7 ölkələrinin maliyyə nazirləri və mərkəzi bank rəhbərləri Kanadada keçirilən görüşdə razılığa gəliblər ki, əgər Rusiya Ukraynadakı müharibəsində atəşkəs təşəbbüsünə müqavimət göstərsə, ona qarşı əlavə sanksiyalar tətbiq oluna bilər.

Maliyyə rəhbərləri mayın 22-də keçirilən görüşün sonunda yayımladıqları kommünikedə Rusiyanın "amansız" müharibəsini pisləyiblər. Onlar bəyan edib ki, əgər atəşkəsə nail olmaq səyləri uğursuz olsa, onlar sanksiyaların daha da gücləndirilməsi də daxil bütün mümkün variantları nəzərdən keçirəcəklər.

Kommünikedə həmçinin qeyd olunub ki, G7 ölkələrinin yurisdiksiyasında saxlanılan Rusiyanın suveren aktivləri Moskva müharibəni dayandırana və Ukraynaya vurduğu ziyanın əvəzini ödəyənə qədər dondurulmuş vəziyyətdə qalacaq.

Nazirlər Rusiya döyüş maşınını maliyyələşdirən və ya təchiz edən hər hansı ölkənin və ya qurumun Ukraynanın yenidən qurulmasından mənfəət əldə edə bilməməsini təmin etmək üçün birlikdə çalışacaqlarına söz veriblər.

"Bu, çox ciddi bir bəyanatdır", –Kanadanın maliyyə naziri Fransua-Filipp Şampan bildirib və bunu kommünikenin əsas sütunlarından biri adlandırıb. Kommünikedə Rusiyaya mühüm komponentlər təchiz etməkdə ittiham olunan Çin və digər ölkələrin adı çəkilməyib.

Nazirlərin görüşü həm də iyunun ortalarında baş tutacaq G7 sammitinə hazırlıq xarakteri daşıyır. Ağ ev mayın 22-də təsdiqləyib ki, ABŞ prezidenti Donald Tramp həmin sammitdə iştirak edəcək.

Ukraynanın maliyyə naziri Sergiy Marçenko da nazirlərin görüşündə iştirak edib və G7 ölkələrini Rusiyaya təzyiqləri davam etdirməyə çağırıb.

Müharibənin başa çatması üzrə diplomatik səylər sürətlənib. Ötən həftə Rusiya və Ukrayna rəsmiləri son üç ildən artıq müddətdə ilk dəfə üzbəüz danışıqlar aparıblar.

İki ölkənin tezliklə Vatikanda danışıqlar aparacağı barədə mübahisəli xəbərlər var. Kreml mayın 22-də bildirib ki, Ukrayna ilə yeni sülh danışıqları hələ razılaşdırılmayıb.

ABŞ prezidenti Donald Tramp mayın 19-da rusiyalı həmkarı Vladimir Putinlə telefon danışığı aparıb və bu danışığın məqsədinin "qan gölü"nə son qoymaq olduğunu bildirib. Lakin nə bu zəng, nə də əvvəlki birbaşa danışıqlar Rusiyanın güzəştə getməsi ilə nəticələnib.

Rusiya ordusu Ukrayna ilə sərhəd boyunca təhlükəsizlik bufer zonasının yaradılması üzərində işləyir. Bunu prezident Vladimir Putin mayın 22-də hökumət üzvləri ilə görüşündə bildirib.

"Sərhəd boyunca lazımi təhlükəsizlik bufer zonasının yaradılması ilə bağlı qərar qəbul edilib. Hazırda silahlı qüvvələrimiz bu problemi həll edir. Düşmənin atəş nöqtələri fəal şəkildə susdurulur, iş gedir ", - o deyib.

Putin Ukraynanın hücumlarından əziyyət çəkən bölgələr arasında Belqorod, Bryansk və Kursk vilayətlərinin adını çəkib.

Bugünlərdə Putin Kursk vilayətində bələdiyyələrin rəhbərləri ilə görüşüb. Sərhədyanı Qluşkov rayonunun rəhbəri Pavel Zolotarev Putindən Sumı vilayətində bufer zonası yaratmağı xahiş edib. Putin bu bufer zonasının nə qədər dərin olmalı olduğunu soruşub. Zolotarev deyib ki, Rusiya "heç olmasa" Sumı şəhərini tutmalıdır.

Mayın ortalarında Sumı vilayətinin rəhbərliyi Rusiya ilə həmsərhəd olan 202 yaşayış məntəqəsindən 4 mindən çox insanın təxliyəsini elan edib.

Buna da bax:

Rusiya Ukraynaya iyunun 2-də İstanbulda görüşməyi təklif edir