70-dən çox saxlanan var
Sentyabrın 21-də Qazaxıstanda keçirilən mitinqdə onlarla adam saxlanılıb. Onların arasında təsadüfən həmin ərazidən keçənlər, yaşlı adamlar və uşaqlar da var. Daxili İşlər nazirliyinin yaydığı son məlumatda Nur-Sultan və Almatı şəhərlərindəki hakimiyyətlə razılaşdırılmamış aksiya zamanı 57 nəfər saxlanılıb. AzadlıqRadiosunun müxbirləri daha 20 nəfərin Qazaxıstaın Çimkend şəhərində saxlandığını bildirirlər. Mitinq zamanı jurnalistlərin fəaliyyətinə polislər tərəfindən maneələrin olduğu barədə məlumatlar da var.
Nur-Sultan, Almatı və Çimkenddə Çinə məxsus 55 zavodun tikintisinə, o cümlədən Çinlə iqtisadi əlaqələrin genişlənməsinə və həmçinin ölkədə siyasi siyasi sistemin liberallaşması uğrunda mitinq keçirilir. AzadlıqRadiosu və Nastoyashcheye Vremya müxbirlərinin məlumatlarına görə, bütün ölkə üzrə onlarla adam saxlanılıb.
AzadlıqRadiosunun müxbirləri xəbər verir ki, polislər bir neçə qadını mikroavtobuslara mindirərək aparıblar. Hansı ki, həmin yaşlı qadınlar əraziyə sadəcə "sadəcə baxmaq üçün" gəldiklərini deyiblər. Ümumilikdə Almatıda 20 nəfərə yaxın adamın saxlandığı deyilir. .
Bölgələrdə vəziyyət
Jurnalistlər bildirirlər ki, Aktauda sentyabrın 21-i gecədən polis mərkəzi küçələrdə hərəkəti məhdudlaşdırıb. Axşama yaxın yollların açıldığı və bu şəhərdə saxlananların olmadığı xəbər verilir.
