“Azərbaycan Dəmir Yolları” QSC iyulun 8-də Bakı-Tbilisi sərnişin qatarının yolda qalması ilә bağlı açıqlama yayıb.
Mәlumatda bildirilir ki, saat 23:22-də dəmir yolunun Padar-Sığırlı mənzilinin 376-cı kilometrində elektrovozun hərəkət istiqamətində arxa seksiyanın cərəyan qəbuledicisi zədələnib, kontakt naqilində qopmalar baş verib.
Hadisә zamanı qatarda yanğın baş vermәdiyi, xəsarət alan olmadığı deyilir.
Bakı-Tbilisi sərnişin qatarının hərəkətində 2 saat ləngimə qeydə alınıb.
QSC hazırda qatarların öz qrafiki ilə hərəkət etdiyini bildirir.
