Keçid linkləri

2024, 11 May, şənbə, Bakı vaxtı 05:27

Rusiya Yerevanda bu heykəlin niyə qoyulduğunu 'anlamır'


Qaregin Njdenin Yerevandakı heykəli
Qaregin Njdenin Yerevandakı heykəli

-

Rusiya anlamır ki, Yerevanda niyə Qaregin Njdeyə abidə ucaldılıb.

Bunu Rusiya XİN-in sözçüsü Mariya Zaxarova deyib.

Qaregin Njde 2-ci Dünya Müharibəsi zamanı sovet ordusuna qarşı döyüşən erməni legionunun yaradıcılarından sayılır.

Zaxarova deyib ki, Rusiya "nasizm təzahürlərinin qəhrəmanlıq kimi qələmə verilməsinin" əleyhinədir.

Sözçü bildirib ki, "biz erməni xalqının Böyük Vətən müharibəsindəki şücaəti haqda bilirik, ona görə belə bir heykəlin Yerevanda niyə qoyulmasını anlamırıq".

Tunc heykəli bu yaxınlarda Yerevanın mərkəzində ucaldılan Njdenin 2-ci Dünya Müharibəsindən xeyli əvvəl elan edilən millətçi ideyaları Ermənistanın hakim Respublikaçı Partiyasının ideoloji platformasının formalaşdırılmasında istifadə edilib.

29 may - Respublika günündə heykəlin açılış mərasimində prezident Serj Sarkisyan da iştirak edib.

Qaregin Njde
Qaregin Njde

Mühacirətdə sovet hökumətinə qarşı ideoloji iş aparanacan Njde erməni tarixçilərinin fikrincə, "böyük qəhrəmanlıqlar edib".

Njde 1-ci Dünya Müharibəsində Rusiya qoşunlarının tərkibində könüllü əsgər kimi Türkiyəyə qarşı vuruşub.

Erməni tarixçiləri hesab edirlər ki, sonrakı illərdə Njde "Naxçıvan və Qarabağ kimi Zəngəzurun da gizli türk-bolşevik planının tərkib hissəsi olaraq Azərbaycana verilməsinin qarşısını alıb".

Azərbaycanda isə Njde Zəngəzurda azərbaycanlıların üsyanlarını yatıran, Müsavat əsgərlərinə qarşı vuruşan qəddar dəstələrin rəhbəri kimi tanınır.

İkinci Dünya müharibəsinin sonunda Njde həbs edilərək 25 illik həbs cəzasına məhkum olunub və sovet həbsxanasında ölüb.

1992-ci ildə Ermənistan prokurorluğu ona bəraət verib.

Rusiya XİN-in sözçüsünün dediklərini Ermənistan parlamentinin vitse-spikeri Eduard Şarmazanov şərh edib.

O, Njdenin nasistlərlə müqayisəsini düzgün saymır.

Deyir ki, ruslar üçün Suvorov kimdirsə, Njde də ermənilər üçün o cür milli qəhrəmandır.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG