24 yaşlı İsmayıl Cəfərsoyun ailəsi Şuşadan məcburi köçkün düşüb. İndi Xocalının Təzəbinə kəndinə köçürülməsi ərəfəsində onun əsas qayğısı işsizlikdir. İsmayıl bildirir ki, tanıdığı bir çox gənc məhz iş tapa bilmədiyi üçün geri qayıtmalı olub. O hesab edir ki, hökumət gənclərə müəyyən güzəştlər etsə və Qarabağda peşəyə uyğun iş yerləri açılsa, gənclər də bölgəyə qayıtmaq barədə daha ciddi düşünərlər.