Keçid linkləri

2017, 23 Noyabr, Cümə axşamı, Bakı vaxtı 09:40

Qaçqın sayı artır, ABŞ getdikcə daha azını qəbul edir


Əfqanıstan qaçqınları. Herat, 28Sent2017

1980-ci ildən bəri Birləşmiş Ştatlar istənilən digər ölkədən daha çox – 3 milyonadək qaçqını yerləşdirib. Dünyada münaqişələrin, zorakılıq və təqibin didərgin saldığı adamların sayı artanda Birləşmiş Ştatlar da daha çox qaçqın qəbul edib. Amma son illər bu trend səngiyib.

2013-cü ildən bəri dünyanın qaçqın əhalisinin sayı 50%-dək artsa da, hər il ABŞ-da yerləşən qaçqın sayı davamlı artmayıb. Bunu “Pew” araşdırma mərkəzi BMT-nin Qaçqınlar üzrə Ali Komissarlığı (UNHCR) və ABŞ Dövlət departamentinin məlumatlarının təhlili əsasında üzə çıxarıb.

Buna da bax:​ Deputat: 'Azərbaycanda aclıqdan əziyyət çəkən görməmişəm'

UNHCR bildirir ki, 2016-cı ildə dünyada 17,2 milyon nəfər münaqişələr, yaxud təqiblər nəticəsində evindən didərgin düşüb. Bu rəqəm 1990-cı illərin əvvəli, Berlin divarının sökülməsindən sonrakı dövrlə müqayisə olunur.

DÜNYA QAÇQINLARININ 0,6 FAİZİ

Ortalama, 1982-2016-cı illərdə, ABŞ hər il dünya qaçqınlarının 0,6%-ni yerləşdirib.

Hər il UNHCR ABŞ və digər ölkələrdə yerləşdirilmək üçün qaçqınların namizədliyini rəsmən tanıyır. Son illər hər il yerləşdirilməyə 1 milyonadək fərd müəyyələşdirilsə də, onların cüzi qismi buna nail olur. Məsələn, 2016-cı ildə UNHCR 1 milyonadək mümkün qaçqını müəyyənləşdirsə də, onların yalnız 189 mini dünya ölkələrinə yerləşib, yarıdan çoxunun (51%) taleyinə Birləşmiş Ştatlar düşüb.

Buna da bax:​ Acla toxun dialoqu [karikatura]

1982-2016-cı illərdə Birləşmiş Ştatlar dünyada yerləşmiş qaçqınların üçdə ikisini (69%) qəbul edib. Ondan sonra Kanada (14%) və Avstraliya (11%) gəlir.

Qaçqınların milliyyəti və dini də dəyişir. 2011-2016-cı maliyyə illərində qaçqınların artan çoxluğunu müsəlmanlar təşkil edib. 2016-cı ildə Birləşmiş Ştatlara da rekord sayda müsəlman qaçqın qəbul olunub.

Eyni zamanda, ABŞ-a yerləşdirilən qaçqınların böyük qismi xristianlardır. 2017-ci maliyyə ilində ABŞ-a daha çox xristian (47%) qaçqın gəlib, ikinci yerdə müsəlmanlardır (43%).

Günün bütün mövzuları

XS
SM
MD
LG