Keçid linkləri

2024, 07 May, çərşənbə axşamı, Bakı vaxtı 19:26

Erdoğan deyir ki, Qırğızıstandan müəllimi Türkiyə kəşfiyyatı oğurlayıb


Bişkek şəhərində Orhan İnandının tapılmasını tələb edən aksiya
Bişkek şəhərində Orhan İnandının tapılmasını tələb edən aksiya

Prezident Recep Tayyip Erdoğan iyulun 5-də deyib ki, ötən ay yoxa çıxması Bişkekdə etirazlara səbəb olmuş müəllimi Türkiyə kəşfiyyatının agentləri oğurlayıblar.

Qırğızıstandakı Sapat tədris şəbəkəsinin başçısı Orhan İnandı mayın 31-də Qırğızıstan paytaxtında müəmmalı şəkildə yoxa çıxmışdı.

Onun avtomobili ertəsi gün Bişkekin mərkəzində qapıları açıq vəziyyətdə tapılmışdı. Müəllimin qiymətli əşyalarına toxunmamışdılar.

O vaxt onun xanımı ehtimal edirdi ki, əri Türkiyə səfirliyindədir.

Türkiyə hökuməti İnandını terrorçu təşkilat elan etdiyi Gülen hərəkatı ilə bağlı olmaqda ittiham edir.

100-dək adam oğurluğu

Hökumət müşavirəsindən sonra danışan Erdoğan deyib ki, İnandını Türkiyənin MIT kəşfiyyat idarəsi yaxalayaraq Türkiyəyə gətirib.

“Dəqiq və səbirli işi nəticəsində MIT FETÖ-nün Mərkəzi Asiyadakı lideri Orhan İnandını ədalətlə üzləşdirmək üçün Türkiyəyə gətirib”.

Prezident əlavə edib ki, indiyədək Fethulla Gülen hərəkatına bağlı olan 100-dək şəxs dünya boyunca müxtəlif ölkələrdən oğurlanaraq Türkiyəyə gətirilib.

TRT dövlət telekanalı əlləri qandallı İnandını iki Türkiyə bayrağı arasında dayanarkən görüntüləyən videonu göstərib.

Bundan əvvəl BMT-nin Qanunsuz Saxlamalar üzrə İşçi Qrupu Türkiyənin adamların yoxa çıxmasındakı rolunu əks etdirən bir neçə halı sənədləşdirib.

53 yaşlı İnandı Qırğızıstanda 1995-ci ildən yaşayırdı və ikili Türkiyə-Qırğızıstan vətəndaşlığı var.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG