Keçid linkləri

Təcili xəbərlər
2020, 27 Fevral, Cümə axşamı, Bakı vaxtı 06:16

Lavrov və Shoigu Putinin ‘yeni hökumətində’ də qalırlar


Sergei Shoigu (sağda) və Sergei Lavrov

Rusiya prezidenti Vladimir Putin yeni hökumət kabinetinin əsas nazirlərini təyin edib.

Bu təyinatlardan məlum olur ki, iki əsas nazir – xarici işlər və müdafiə nazirləri Sergei LavrovSergei Shoigu öz postlarında qalırlar.

Bu iki nazirin yeni baş nazir Mikhail Mishustin-in hökumətində təmsil olunacaqları barədə məlumat yanvarın 21-də Kremlin internet saytında dərc olunub.

Maliyyə naziri Anton Siluanov, enerji naziri Aleksandr Novak və kənd təsərrüfatı naziri Dmitry Patrushev də öz postlarında qalacaqlar.

Amma yeni hökumətdə yeni similar da var. Perm vilayətinin qubernatoru Maksim Reshetnikov iqtisadiyyat naziri postunda Maksim Oreshkin-i əvəzləyəcək.

Putinin iqtisadiyyat üzrə müşaviri Andrei Belousov baş nazirin birinci müavini olacaq. Bundan əvvəl bu vəzifəni Siluanov tuturdu.

Dmitry Grigorenko baş nazirin müavinlərindən biri, habelə hökumət administrasiyasının başçısı olacaq.

Putin yanvarın 15-də dövlətin vəziyyəti barədə illik çıxışında uzaqgedən konstitusiya islahatları təklif etmişdi.

Tənqidçilər bildirirlər ki, bu təkliflərdən 67 yaşlı keçmiş DTK zabiti Putinin məqsədi öz hakimiyyətini 2024-cü ildən sonra da saxlamaqdır.

Putin özünün illik nitqindən dərhal sonra və gözlənilmədən Dmitry Medvedevi baş nazir vəzifəsindən azad etmiş, onun yerinə Rusiya vergi xidmətinin az tanınan rəsmisi Mishustin-i təyin etmişdi.

Rusiya parlamentinin aşağı palatası - Dövlət Duması Putinin Konstitusiyaya dəyişikliklər barədə təkliflərini yanvarın 21-də qəbul edib.

Dumada qanun layihəsinin ilk oxunuşu yanvarın 23-də olacaq.

Günün bütün mövzuları

XS
SM
MD
LG