Keçid linkləri

2024, 29 Mart, Cümə, Bakı vaxtı 02:50

Putin ilhaq edilmiş Krıma seçki kampaniyası aparmağa gəlib


Vladimir Putin Rusiyada prezident seçkilərinə dörd gün qalmış, martın 14-də 2014-cü ildə Moskva tərəfindən ilhaq edilmiş Krıma gəlib. Onun burada martın 16-da keçiriləcək Krım referendumunun ildönümünə həsr edilmiş tədbirdə iştirak edəcəyi gözlənilir. Moskva Krımın ilhaqını məhz bu referendumla əsaslandırır və anneksiyanı “Krım xalqının iradəsinin ifadəsi” kimi təqdim edir.

Krıma gəlməzdən əvvəl Putin yarımadanı Kerç boğazı üzərindən Rusiya ilə birləşdirəcək körpünün tikintisinə baş çəkib. Körpünün tikintisinə 2016-cı ildə başlanıb.

Kremlin sözçüsü Dmitri Peskov deyib ki, Krım səfəri martın 18-də keçiriləcək seçkidən əvvəl Putinin sonuncu böyük kampaniya tədbiri olacaq.

Ukrayna prezidenti Petro Poroşenko Putinin Krıma səfərini “çox qorxulu təxribat” adlandırıb. O Putinin Ukrayna ərazisində Rusiya seçkisinin kampaniyasını keçirməsi ilə bağlı Moskvanın üzərinə yeni və daha sərt sanksiyaların qoyulmasına çağırıb.

Putin hökuməti Krımın ilhaqını 2014-cü ildə moskvayönlü Ukrayna prezidenti Viktor Yanukoviçin devrilməsindən az sonra həyata keçirib.

Rusiya 2014-cü ilin 16 martında Krımda keçirilən referendumdan əvvəl yarımadaya formalarında heç bir nişanı olmayan qoşun hissələri göndərmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG