Keçid linkləri

Təcili xəbərlər
2019, 18 Aprel, Cümə axşamı, Bakı vaxtı 20:11

Rusiya hakimiyyətində Putin hamıdan az qazanırmış


Vladimir Putin və hökumət üzvləri

Rusiya hökuməti nazirlər kabinetinin başçısı Dmitry Medvedevin və onun kabinet üzvlərinin 2018-ci il üçün gəlirlərini açıqlayıb.

Kremlin saytında isə Rusiya prezidenti Vladimir Putinin 2018-ci il üçün gəlirləri dərc olunub.

Bu məlumatdan bəlli olur ki, Rusiya prezidenti ötən il 8, 6 milyon rubl (133 min 644 dollar) qazanıb.

Bu baş nazir Dmitry Medvedevin gəlirindən 1, 3 milyon rubl (20 min dollar) azdır.

Prezidentin mülkiyyəti olaraq əvvəlki illərdə olduğu kimi 77 kvadratmetrlik mənzil və 18 kvadratmetrlik qaraj, sahəsi 153, 7 kvadratmetr olan başqa bir mənzil, qaraj yeri, GAZ M-21 və Niva olmaqla iki avtomobil və Skif avtoqoşqusu var.

Rusiya baş naziri Dmitry Medvedevin 2018-ci ildə gəliri 2017-ci illə müqayisədə 1 milyon 400 min rubl artıb.

O 2018-ci ildə 9 milyon 917 min rubl (155 min dollar) qazanıb.

Medvedevin 2018-ci il üçün bəyannaməsində mülkiyyət olaraq bunlar göstərilib:

49 illiyə icarəyə götürülmüş 47 sot torpaq, sahəsi 367 kvadratmetr olan mənzil, iki nadir avtomobil (GAZ-20 və GAZ-21), Volkswagen Golf avtomobili, iki maşınlıq yer.

Rusiya müdafiə naziri Sergei Shoigu-nun 2018-ci il üçün gəliri 11 milyon 532 min rubl (179 min dollar) təşkil edib.

Parlamentin aşağı palatası – Dumanın spikeri Vyacheslav Volodinin 2018-ci il üçün gəliri 71 milyon 700 min rubl (1 milyon 114 min dollar) olub.

Hərçənd o bu pulun yarısını, daha dəqiq deyilsə, 38, 8 milyon rublunu xeyriyyəyə verib.

Yuxarı palata – Federasiya Şurası spikeri Valentina Matvienkonun ötənilki qazancı 15 milyon 270 min rubl (237 min dollar) təşkil edib.

Mədəniyyət naziri Vladimir Medinskinin 2018-ci il üçün gəliri 42 milyon rubl (637 min dollar) olub.

Doğrudur, nazirliyin mətbuat xidmətindən bildiriblər ki, nazir bu qədər pulu şəxsi daşınmaz əmlakının satışından əldə edib.

Sənin fikrin

Şərhləri göstər

Günün bütün mövzuları

XS
SM
MD
LG