Keçid linkləri

2024, 19 Mart, çərşənbə axşamı, Bakı vaxtı 15:42

Putin 9 may paradının 24 iyunda keçirilməsini əmr edib


Qələbənin 74-cü ildönümü paradı belə keçirilmişdi
Qələbənin 74-cü ildönümü paradı belə keçirilmişdi

Rusiya prezidenti Vladimir Putin Böyük Vətən Müharibəsində nasist Almaniyası üzərində qələbənin 75 illiyinə həsr edilmiş hərbi paradın iyunun 24-də keçiriləcəyini bəyan edib.

Bundan əvvəl prezident koronavirus pandemiyası ilə bağlı və “veteranların ricası” ilə 9 may paradını ləğv etmişdi.

Putin mayın 26-da deyib ki, müdafiə naziri Sergei Shoigu-ya Qələbə paradına hazırlaşmaq əmri verib.

Rusiya ənənəvi olaraq hər ilin 9 may gününü böyük hərbi paradla keçirir. Bu paradda minlərlə əsgər və yüzlərlə hərbi texnika Rusiyanın hərbi qüdrətini nümayiş etdirir.

Niyə 24 iyun?

Moskva iyunun 24-ü tarixinin təsadüfən seçilmədiyini, 1945-ci il Qələbə paradının məhz həmin gün keçirildiyini bildirib.

Putin bunu da deyib ki, hər il 9 may ərəfəsində keçirilən “Ölməz polk” yürüşü iyulun 26-a planlaşdırılıb.

Bu yürüşə çıxanlar II Dünya Müharibəsində iştirak etmiş və ya həlak olmuş nənə-babalarının portretlərini daşıyırlar.

Mayın 26-da habelə Qazaxıstan və Moldova prezidentləri Qasym-Zhomart ToqaevIgor Dodon Moskvada, Qırmızı meydanda keçiriləcək paradda iştirak etmək üçün Putinin dəvətini qəbul ediblər.

Rusiyada mayın 9-da keçiriləcək paradda 15 min əsgər və zabitin, habelə 400 ədəd hərbi texnikanın nümayiş etdirilməsi planlaşdırılmışdı.

Koronavirus pandemiyasına baxmayaraq Belarusda 9 may paradı keçirilib.

Belarus prezidenti Alyaksandr Lukashenka sanki mürəkkəb münasibətlərə malik olduğu Putinə eyham vuraraq demişdi:

“Nəticə çıxarmağa, illah da bizi, Qələbənin varisi olan belarusları mühakimə etməyə tələsməyin. Biz sadəcə olaraq, başqa cür hərəkət edə bilməzdik.”

Rusiyanın dövlət telekanalları Minskdə keçirilən hərbi paradı, ümumiyyətlə işıqlandırmayıblar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG