Keçid linkləri

2024, 02 Mart, şənbə, Bakı vaxtı 20:16

Putini tənqid edən yazar evində ölü tapılıb


Vladimir Pribylovsky
Vladimir Pribylovsky

►Putin dövrü Rusiyası barədə kitabın müəlifi Moskvada ölü tapılıb

Rusiyalı politoloq və publisist Vladimir Pribılovskiy Moskvadakı mənzilində ölü tapılıb. В Bu barədə onun həmkarı tarixçi Yuriy Felştinskiy Livejournalda məlumat verib.

Vladimir Pribılovskiy "Korporasiya: Prezident Putin zamanında Rusiya və KQB" kitabının həmmüəllifidir..

O həm də tərcüməçi, müxalifətçi, "Panorama informasiya - tədqiqat mərkəzinin prezidenti, "Antikompromat" internet nəşrinin rəhbəri, "Subtropiçeskaya Rossiya" ("Subtropik Rusiya") hərəkatının lideri idi. 40-dan çox kitabın müəllifi olan Pribılovskiy dəflərlə Radio Svobodanın (Azadlıq Radiosunun rus redaksiyası) efirində çıxış edib.

Buna da bax: Yumurtanın bahalanması toyuqların günahı deyil...

2007-ci ilin mayında prokurorluq əməkdaşları tərkibində dövlət sirri olan məlumatların açıqlanması maddəsi üzrə cinayət işi ilə bağlı Pribılovskinin evində axtarış aparıblar. Axtarış nəticəsində iki kompüter və içində Pribılovskinin "Korporasiya: Prezident Putin zamanında Rusiya və KQB" kitabının qaralaması və "Putinin silahdaşları" kitabı üçün yazılmış eskizlər olan məlumat daşıyıcıları götürülüb.

2009-cu ilin fevralında "Korporasiya: Prezident Putin zamanında Rusiya və KQB" monoqrafiyasının ingilis dilinə tam tərcüməsi Nyu Yorkda nəşr edilib. 2010-cu ilin mart ayında Pribılovskiy Rusiya müxalifətinə "Putin getməlidir" adlı müraciət ünvanlayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG