-
Oktyabrın 25-də prezident İlham Əliyev Sumqayıtda “Azertexnolayn” MMC-nin texniki avadanlıqlar zavodunun açılışını edib.
“Azərtac”ın xəbərinə görə, açılış zamanı iqtisadiyyat və sənaye naziri Şahin Mustafayev deyib ki, illik istehsal həcmi 6500 ton olan “Azertexnolayn” texniki avadanlıqlar zavodunda polad və çuqun əritmə üsulu ilə hidrotexniki məhsulların hissələri hazırlanır.
Bundan başqa ölkə başçısı “SOCAR Polymer” layihəsi çərçivəsində inşa ediləcək yüksək sıxlıqlı polietilen zavodunun təməlqoyma, “Azərikimya” İstehsalat Birliyinin etilen-polietilen zavodunun istifadəyə verilməsi mərasimlərində iştirak edib.